Yqpaldastyqty tereńdetý turǵysyndaǵy sharalar

Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev beınekonferensııa túrinde ótken Eýrazııalyq eko­nomıkalyq komıssııa Keńesiniń (EEK) otyrysyna qatysty, dep habarlady Premer-Mınıstrdiń baspasóz qyzmeti. Keńes músheleri Eýrazııalyq ekono­mıkalyq odaqqa (EAEO) qatysýshy el­der­diń eko­nomıkalyq ıntegrasııasyn te­reń­detýge baǵyttalǵan birqatar qujat­tardy talqylady. Otyrysta EAEO týraly Shartqa sáıkes aktiler men halyqaralyq kelisimsharttardy ázirleýdiń jumys josparynyń oryndalý barysy qaraldy. Jospardaǵy is-sharalardy oryndaý «tórt erkindik» – taýarlardyń, qyzmetterdiń, kapıtal men jumys kúshiniń erkin qozǵalysy qaǵıdatyn júzege asyrýǵa jaǵdaı jasaıdy. Keńes músheleri bútindeı alǵanda, damýshy jáne azyraq damyǵan eldermen saýda-sattyq úshin jaǵdaılardy keńeıtýge múmkindik beretin EAEO-nyń Tarıftik preferensııalarynyń biregeı júıesin qoldanýdyń sharttary men tártibi týraly erejeni qýattady. EEK Keńesi otyrysynyń sheńberinde EAEO-nyń ıntegrasııalanǵan aqparattyq júıesi negizinde keden qyzmetteri men basqa da quzyrly organdardyń aqparattyq júıeleriniń sáıkestilik jospar-kestesi talqylandy. Tıisti is-sharalardy júrgizý taýarlarǵa olardy keden aýmaǵyna engizý sátinen bastap tutynýshylarǵa satqanǵa deıin qadaǵalaýdy qamtamasyz etedi. Úshinshi eldermen ózara saýdadaǵy tehnıkalyq tosqaýyldardy joıý úshin EEK Keńesiniń otyrysynda tıisti halyqaralyq kelisimshartty daıyndaýdy jedeldetý tapsyryldy.