Májilis óz mindetterin mejeledi

Keshe altynshy saılanǵan Parlament Májilisiniń alǵashqy jalpy otyrysy bolyp, ony palata Tóraǵasy Baqtyqoja Izmuhambetov ashyp, júrgizip otyrdy. Jalpy otyrysta Májilis Tóraǵasy B.Izmuhambetov qysqasha sóz sóıledi. Búgin Májilistiń altynshy shaqyrylymy óz jumysyna tolyǵymen kiristi deýge bolady, dep bastady ol óziniń sózin. Elbasy N.Nazarbaev sessııanyń ashylýyn­da atap ótkenindeı, elimizdi túbegeıli jańǵyrtatyn aýqymdy isterdi, iske asyrylyp jatqan Ult Josparyn zańnamalyq turǵydan odan ári qamtamasyz etý bizderge júkteledi. Sonyń ishinde biryńǵaı salyqtyq jáne kedendik kodeksti, jer qoınaýy men jer qoınaýyn paıdalaný kodeksin qabyldap, básekelestik, elektr qýaty jáne keıbir memlekettik fýnksııalardy básekeli ortaǵa berý salasyndaǵy zańnamany jetildirýimiz qajet, dedi ol. Odan ári Tóraǵa jergilikti ózin-ózi basqarý organdarynyń bıýd­jetteri men menshigin tıimdi bas­qarý isin zańnamalyq turǵydan qam­ta­masyz etý mindet ekenin atap ótti. Úkimettiń 2016 jylǵy jumys josparyna sáıkes atalmysh máseleler boıynsha ázirlenetin zań jobalary Májilistiń qaraýyna kúzde engiziledi eken. Biraq biz bul merzimdi kútpesten osynaý zań jobalaryn sapaly daıyndaý maqsatymen Úkimet qurǵan 5 jumys tobynyń qataryna depýtattarymyzdy engizip, birlesken jumystarymyzdy bastap kettik, dedi Tóraǵa. B.Izmuhambetovtiń aıtýyna qaraǵanda, qazir Máji­listiń qorjynynda 20 zań jo­basy qaralýdy kútip jatyr eken. Onyń beseýi depý­tat­­tar­dyń bastamasymen ázir­­lenipti. Sóziniń sońynda Májilis Tóraǵasy depýtattarǵa bar­lyq uıymdastyrýshylyq máse­lelerdi shuǵyl túrde sheship, naqty zań shyǵarý prose­sine belsene aralasý kerek­tigin aıtty. Barlyq parla­menttik fraksııalar men depýtattyq toptar Úki­met jáne qoǵammen birle­sip, jedel, kásibı jáne ashyq jumys istep, sapaly zań­dar qabyldaýymyz qajet. Oǵan úsh saıası partııa jáne As­sambleıa ókilderinen turatyn Májilis quramynyń bilimi, kúsh-jigeri, jınaqtalǵan tájirıbesi, jaýapkershiligi jetkilikti degen senimdemin, dep qorytty óziniń sózin B.Izmuhambetov. Kún tártibine sáıkes jalpy otyrystyń qaraýyna tórt másele shyǵaryldy. So­nyń ishinde Qazaqstan Respýb­lıkasy Úkimeti men Halyq­aralyq qaıta qurý jáne damý banki arasyndaǵy Qazaqstanda ofıster qurý men olardyń jumys isteýi týraly kelisimdi jáne Qazaqstan men Makedonııa arasyndaǵy ınvestısııalardy kótermeleý jáne ózara qorǵaý týraly keli­simdi ratıfıkasııalaý týra­ly zań jobalary boıynsha qorytyndy ázirleý másele­leri eken. Osy eki zań joba­sy týraly baıandaǵan Halyq­aralyq ister, qorǵanys jáne qaýipsizdik komıte­tiniń tóraǵasy Máýlen Áshim­baevtyń qorytyndy ázirleýge suraǵan merzimimen depýtattar kelisti. Sondaı-aq, úshinshi másele bolyp usynylǵan keıbir zańnamalyq aktilerge azamattyq zańnamany jetil­dirý máseleleri boıyn­sha ózge­rister men tolyqtyrýlar en­gizý týraly zań jobasymen jumysty jalǵastyrý mer­zimin 2017 jyldyń 20 naý­ryzyna deıin uzartýǵa da keli­sim berildi. Tórtinshi másele boıynsha palata Tóraǵasynyń orynbasary Gúlmıra Isimbaeva altynshy saılanǵan Májilistiń ókilettikterin iske asy­rýdyń birinshi sessııaǵa ar­nal­ǵan negizgi is-sharalar jos­parynyń jobasy týraly baıandady. Jospardyń jobasy Parlament Májilisi jumysynyń ártúrli qyrlaryn qamtıtyn 8 taraý­dan turady. Sessııa bary­synda Parlament qyz­metiniń asa ózekti máse­leleri boıynsha 4 Úkimet saǵatyn, komıtetterdiń 5 kóshpeli otyrysyn ótkizý usynylady. Keń aýqymdaǵy jurtshylyq ókilderi jáne aza­mattyq sektordyń qaty­sýymen Parlamentke kelip túsken zań jobalaryn jan-jaqty talqylaý maq­satynda 7 dóńgelek ústel ótkizý kózdelip otyr. Máji­lis depýtattarynyń halyq­aralyq jáne parlament­aralyq qyzmetke qatysýy jeke keste boıynsha júze­ge asyrylatyn bolady. Sony­men qatar, jumys barysynda depýtattardyń bastama­shy­lyǵymen qosymsha is-sha­ralar ótkizý jáne uıym­dastyrý qajettigi týyndaýy múmkin. Olardy qosym­sha túrde qarap, palata bıýro­synyń tıisti sheshimimen jos­parǵa engizýge bolady. Osy aıtylǵandardy eskere otyryp, altynshy saılanǵan Májilistiń birinshi sessııasyna arnalǵan negizgi is-sharalar josparynyń usynylyp otyrǵan jobasyn bekitýlerińizdi jáne tıisti qaýly qabyldaýlaryńyzdy suraımyn, dedi G.Isimbaeva. Depýtattar usynylǵan jumys josparynyń jobasyn biraýyzdan bekitti. Osymen altynshy saılanǵan Májilistiń alǵashqy jalpy otyrysy óz jumysyn aıaqtady. Jaqsybaı SAMRAT, «Egemen Qazaqstan».