Qazaqsha sóılegen «Maýglı»

«Djýnglı kitaby» negi­zinde túsirilgen balalar kıno­synyń qazaq tilindegi úlgisi Astana jáne Almaty qalalarynda kór­setile bastady. Úlkendi de, kishini de teleekranǵa telmirip qoıa­tyn týyndy – qazirgi zamanaýı úlgide túsirilgen Disney kınostýdııasynyń óni­­mi. Munda ańdar­dyń qı­my­ly men is áreketi naǵyz ómir­degideı sýrettelgen. Fıl­m­niń dýblıa­ji otandyq kásibı Aray Media Group dybys jazý stýdııasynda jasalyp, Lon­donnyń Shepperton stýdııasynda óńdeldi. – Dýblıajdiń rejısseri Aıjan Jamshıtova. Ol osyǵan deıin «Kúlbıke», «Malefısenta», «Kólikter» syndy ba­lalar fılmderiniń qazaq tilinde shyǵýyna septi­gin tıgizgen, – dedi joba uı­ym­­­dastyrýshylary. Sondaı-aq, dybys jazý isine onnan astam qazaq­standyq akterler atsalysty. Basty róldegi keıipkerlerdiń daýysyn Bekbolat Qur­manǵojaev (Bagıra), Islam Zeınollaev (Sher-Han), Aı­nur Bermaǵanbetova (Kaa), Aqarys О́teýilov (Maýglı) oqydy. Aıta keteıik, Redıard Kıp­lıngtiń bul týyndysy al­ǵash ret 1967 jyly Disney anımasııalyq fıl­­minde ekranǵa shy­ǵa­rylǵan. Shaǵyn áńgi­melerden qu­ral­ǵan «Djýn­glı kitaby» 1980 jy­­ly jazylyp, jurt­shy­lyqqa usynylǵan. Búginde «Maýglı» fıl­miniń qazaq tilindegi joba­syna muryndyq bolǵan «Bo­lashaq» assosıasııasy. Tórebek TURMANOV.