Qazaqstan Respýblıkasynyń Zańy №498-V QRZ

Poshta týraly Osy Zań Qazaqstan Respýblıkasynyń aýmaǵynda poshta salasyndaǵy qyzmettiń quqyqtyq negizderin belgileıdi jáne qoǵamdyq qatynastardy retteıdi, poshta qyzmeti sýbektileriniń quqyqtary men mindetterin, poshta salasyndaǵy memlekettik organdardyń quzyretin aıqyndaıdy. 1-taraý. JALPY EREJELER 1-bap. Osy Zańda paıdalanylatyn negizgi uǵymdar Osy Zańda mynadaı negizgi uǵymdar paıdalanylady: 1) abonementtik jáshik – poshta jóneltilimderiniń jekelegen túrlerin alýǵa arnalǵan, óndiristik obektilerde ornatylatyn, adresattar poshta salasyndaǵy ýákiletti organ belgilegen tártippen paıdalanatyn arnaıy jáshik; 2) abonenttik poshta jáshigi – adresattardyń poshta jóneltilimderin alýy úshin ǵımarattarda, turǵyn úı­ler­de (turǵyn ǵımarattarda), jeke turǵyn úılerde orna­tylatyn, uıashyqtary bar arnaıy shkaf; 3) adresat (alýshy) – poshta jóneltilimi nemese poshtalyq aqsha aýdarymy baǵyttalǵan, poshta operatorynyń kórse­tiletin qyzmetterin paıdalanýshy; 4) ataýly qurylǵy – qujattar men poshta jóneltilimderine poshta operatorynyń, onyń óndiristik obektisiniń ataýy, sondaı-aq poshta operatory aıqyndaǵan ózge de aqparat kórsetilgen bederlerdi salýǵa arnalǵan qurylǵy; 5) banderol – mólsheri, massasy jáne býyp-túıý tásili poshta baılanysynyń kórsetiletin qyzmetterin usyný qaǵıdalaryna sáıkes kózdelgen, ishine baspa basylymdary, iskerlik qaǵazdar, qujattar jáne basqa da zattar salynǵan tirkelmeıtin jáne tirkeletin poshta jóneltilimi; 6) gıbrıdtik jóneltilim – poshta operatory jiberýge qabyl­daǵan jáne adresatqa hat (poshta kartochkasy) túrinde jetkiziletin elektrondyq hat (habar) ne poshta operatory jiberýge qabyldaǵan jáne adresatqa elektrondyq poshtaǵa nemese elektrondyq abonenttik poshta jáshigine elektrondyq hat (habar) nysanynda jetkiziletin hat; 7) gıbrıdtik jóneltilimdi jiberý boıynsha kórsetiletin qyzmet – poshta operatorynyń gıbrıdtik jóneltilimdi qabyl­daý, óńdeý, jetkizý jáne (nemese) tabys etý boıynsha qyzmeti; 8) Dúnıejúzilik poshta odaǵy – aýmaqtary halyqaralyq poshta jóneltilimderimen ózara almasý úshin birtutas poshta aýmaǵyn quraıtyn múshe elderden turatyn, maqsaty poshta baıla­nystaryn uıymdastyrý men jetildirýdi qamtamasyz etý jáne osy saladaǵy halyqaralyq yntymaqtastyqty damytý úshin qo­laıly jaǵdaılar jasaý bolyp tabylatyn halyqaralyq uıym; 9) Dúnıejúzilik poshta odaǵynyń aktileri – Dúnıejúzilik poshta odaǵynyń Kongresinde onyń Jarǵysyna sáıkes qabyldanatyn qujattar; 10) jazbasha hat-habar – tirkelmeıtin jáne tirkeletin hattar, poshta kartochkalary, banderolder jáne usaq paketter; 11) jazdyryp alynatyn merzimdi baspa basylymdaryn taratý – poshta operatorynyń buqaralyq aqparat qural­darynyń menshik ıesimen nemese onyń ókilimen jasalǵan shart negizinde merzimdi baspasóz basylymyna jazylýdy, onyń ishinde ınternet-resýrsty paıdalana otyryp qabyldaý jáne merzimdi baspasóz basylymyn qabyldaýdy, óńdeýdi, tasymaldaýdy jáne poshta operatorynyń kórsetiletin qyzmetterin paıdalanýshyǵa jetkizýdi júzege asyrý boıynsha kórsetiletin qyzmetti usynýy; 12) jaýap qaıtarylatyn halyqaralyq kommersııalyq hat-habar – Dúnıejúzilik poshta odaǵynyń aktilerine sáıkes re­simdelgen, jóneltýshi aldyn ala aqysyn tólegen qaıtarylatyn poshta jóneltilimin qamtıtyn poshta jóneltilimi; 13) jedeldetilgen poshta baılanysynyń kórsetiletin qyzmet­teri – poshta jóneltilimderin jedel óńdeý, tasymaldaý, jetkizý jáne (nemese) tabys etý rejımindegi poshta jóneltilimderin jiberý boıynsha kórsetiletin qyzmetter; 14) jóneltýshi – poshta jóneltilimin nemese aqshany jiberý úshin olardy poshta operatoryna beretin, poshta operatorynyń kórsetiletin qyzmetterin paıdalanýshy; 15) jiberilim – mólsheri, massasy jáne býyp-túıý tásili poshta baılanysynyń kórsetiletin qyzmetterin usyný qaǵıdalaryna sáıkes kózdelgen, nárseler, zattar men taýarlar salynǵan tirkeletin poshta jóneltilimi; 16) kýrer – tirkeletin poshta jóneltilimin óndiristik obek­tilerden tys jerlerde jóneltýshiden qabyldaıtyn jáne osyndaı jóneltilimdi poshta jóneltiliminde kórsetilgen mekenjaı boıynsha adresatqa nemese jóneltýshige tabys etetin poshta operatorynyń jumyskeri nemese poshta opera­torymen jasasqan sharty bar jeke tulǵa; 17) kýrerlik poshta baılanysynyń kórsetiletin qyzmetteri – kýrer kórsetetin, tirkeletin poshta jóneltilimderin qabyldaý, tasymaldaý jáne tabys etý boıynsha kórsetiletin qyzmetter; 18) operasııalyq kún – poshta operatory poshtalyq kórseti­letin qyzmetter usynatyn jumys ýaqyty; 19) óndiristik obekt – poshta operatorynyń poshta salasyn­daǵy qyzmetti júzege asyrýyna arnalǵan jáne sol úshin jabdyqtalǵan ǵımarat, ǵımarattaǵy úı-jaı; 20) poshta – poshta operatorlarynyń Qazaqstan Respýblı­kasynyń aýmaǵynda Dúnıejúzilik poshta odaǵynyń aktilerine jáne osy Zańǵa sáıkes kórsetiletin qyzmetter keshenin usynýyn jáne ózge de qyzmetti júzege asyrýyn qamtamasyz etetin baılanys túri; 21) poshta baılanysynyń ámbebap kórsetiletin qyzmetteri – baılanystyń ámbebap kórsetiletin qyzmetteriniń quramyna kiretin, kez kelgen eldi mekende kórsetilgen merzimde belgi­lengen sapada jáne osy kórsetiletin qyzmetterdiń qoljetim­diligin qam­tamasyz etetin baǵa deńgeıinde poshta operatorynyń kórsetiletin qyzmetterin kez kelgen paıdalanýshyǵa kórse­tiletin qyzmetter; 22) poshta baılanysynyń kórsetiletin qyzmetteri – poshta ope­ratorynyń tirkeletin jáne tirkelmeıtin poshta jónelti­limderin, poshtalyq aqsha aýdarymdaryn, gıbrıdtik jónelti­limderdi jiberý, merzimdi baspa basylymdaryn taratý, poshta tólemi belgilerin jáne fılatelııalyq ónimderdi ótkizý boıynsha qyzmeti; 23) poshta baılanysynyń quraldary – poshta baılanysynyń kórsetiletin qyzmetterin usyný úshin qoldanylatyn tehnı­kalyq quraldar, jabdyq jáne tehnologııalar; 24) poshta jáshigi – tirkelmeıtin hattar men poshta kartoch­kalaryn jınaýǵa arnalǵan, belgilengen tústegi, nysandaǵy jáne kólemdegi jáshik; 25) poshta jelisi – poshta operatory poshta baılanysynyń kórsetiletin qyzmetterin usyný kezinde paıdalanylatyn óndiristik obektiler men poshta marshrýttarynyń jıyntyǵy; 26) poshta jóneltilimderi – poshta operatory jiberýge qabyldaǵan jazbasha hat-habar, jiberilimder; 27) poshta jóneltilimin jetkizý – poshta jóneltilimin mejeli jerdegi óndiristik obektilerden abonementtik jáshikke nemese abonenttik poshta jáshigine nemese jóneltýshi kórsetken ózge de mekenjaı boıynsha aparý; 28) poshta jóneltilimin jiberý – poshta jóneltilimin qabyldaý, óńdeý, tasymaldaý jáne (nemese) berý, jetkizý jáne (nemese) tabys etý operasııalarynyń jıyntyǵy; 29) poshta jóneltilimin qabyldaý – jóneltýshiden qabyl­danǵan, onyń ishinde poshta jáshikterinen alý arqyly qabyl­danǵan poshta jóneltilimin odan ári tasymaldaý úshin poshta operatorynyń resimdeýi; 30) poshta jóneltilimin óńdeý – poshta jóneltilimderin tasymaldaýǵa daıyndaýdy qamtamasyz etetin, olarmen jasalatyn óndiristik operasııalar; 31) poshta jóneltilimin tabys etý – poshta jóneltilimin adresattyń ózine nemese onyń zańdy ókiline nemese senimhat negizinde áreket etetin senim bildirilgen adamyna berý; 32) poshta jóneltilimin tasymaldaý – poshta jóneltilimin adresatqa jetkizý jáne (nemese) tabys etý úshin jóneltý pýnktinen mejeli jerdegi óndiristik obektilerge deıin aparý (tasymaldaý); 33) poshta ındeksi – poshta jóneltilimin nemese poshtalyq aqsha aýdarymyn jiberýdi jyldamdatý maqsatynda jyljy­maıtyn múlik obektilerine olardy ákimshilik-aýmaqtyq sáıkestendirý jáne júıelendirý úshin beriletin, mekenjaıdyń shartty sıfrlyq jáne áriptik belgilenýi; 34) poshta kartochkasy – arnaýly standartty blankige jazbasha habar jazylǵan, tirkelmeıtin nemese tirkeletin poshta jóneltilimi; 35) poshta qyzmeti – poshta jelileri arqyly poshta baılany­synyń kórsetiletin qyzmetterin usyný; 36) poshta qyzmeti sýbektileri – poshta operatorlary jáne posh­ta operatorynyń kórsetiletin qyzmetterin paıdala­ný­shylar; 37) poshta operatory – Qazaqstan Respýblıkasynyń aýma­ǵynda tirkelgen, poshta qyzmeti salasynda kórsetiletin qyzmetterdi usynatyn jeke nemese zańdy tulǵa; 38) poshta operatorynyń kórsetiletin qyzmetterin paı­dalanýshy – poshta operatory usynatyn, onyń ishinde poshta operatorymen ózi jasasqan sharttar negizinde usynylatyn kórsetiletin qyzmetterdi tutynýshy bolyp tabylatyn jeke nemese zańdy tulǵa; 39) poshta salasyndaǵy ýákiletti organ (budan ári – ýákiletti organ) – óz quzyreti sheginde Qazaqstan Respýblıkasynyń aýmaǵynda poshta salasyndaǵy memlekettik saıasatty iske asyrýdy, memlekettik baqylaýdy, qyzmetti úılestirýdi jáne ret­teýdi júzege asyratyn Qazaqstan Respýblıkasynyń ortalyq atqarýshy organy; 40) poshta tóleminiń belgileri – poshta baılanysynyń kórsetiletin qyzmetterine aqy tólengenin rastaıtyn, poshta operatory jazbasha hat-habar jóneltilimderine japsyratyn belgiler, onyń ishinde poshta markalary, bloktar, markaly konvertter jáne (nemese) poshta kartochkalary, frankırleý mashınalarynyń bederleri, elektrondyq jáne ózge de belgiler; 41) poshta tóleminiń memlekettik belgileri – aınalymǵa ýáki­letti organ engizetin, Ulttyq poshta operatorynyń kórsetiletin qyzmetterine aqy tólengenin rastaıtyn poshta markalary, bloktar, markaly konvertter jáne (nemese) poshta kartochkalary, frankırleý mashınalarynyń bederleri, elektrondyq jáne ózge de belgiler; 42) poshta shtempeli – qujattar men poshta jóneltilimderine: poshta jóneltilimin qabyldaýdy júzege asyrǵan óndiristik obektiniń ataýy, poshta jóneltiliminiń jóneltilý orny, qabyldanǵan kúni men ýaqyty; poshta jóneltilimin alýdy júzege asyrǵan óndiristik obektiniń ataýy, mejeli jeri, alynǵan kúni men ýaqyty; poshta jóneltilimin adresatqa jetkizgen jáne (nemese) tabys etken óndiristik obektiniń ataýy, jetkizilgen jáne (nemese) tabys etilgen kúni men ýaqyty kórsetilgen bederlerdi salýǵa arnalǵan qurylǵy; 43) poshtalyq aqsha aýdarymy – osy Zańǵa jáne Dúnıejúzilik poshta odaǵynyń aktilerine sáıkes jóneltýshiniń adresatqa aqsha jiberýge arnalǵan tapsyrmasyn poshta operatorynyń ýákiletti organ bekitken poshta jóneltilimi blankisiniń nysanyn toltyra otyryp oryndaýy boıynsha poshta baılanysynyń kórsetiletin qyzmeti; 44) poshtalyq qupııa – poshta operatorynyń kórsetiletin qyzmetterin paıdalanýshylardyń poshtalyq mekenjaıy, derbes derekteri, poshta jóneltilimderi, olardyń ishindegisi men ornalasqan jeri týraly málimetter; 45) poshtalyq mekenjaı (budan ári – mekenjaı) – poshta jóneltilimderin jáne poshtalyq aqsha aýdarymyn jetkizý jáne (nemese) tabys etý úshin poshta operatorynyń kórsetiletin qyzmetterin paıdalanýshy aıqyndaıtyn jer; 46) poshtamat – poshtalyq aqsha aýdarymyn qospa­ǵanda, poshta jóneltilimderin qabyldaýǵa, jiberýge, saqtaý­ǵa, jetkizýge (tabys etýge) jáne alýǵa arnalǵan avtomat­tandyrylǵan qurylǵy; 47) poshtashy – poshta operatorymen eńbek qatynastarynda turatyn, jóneltýshiden poshta jóneltilimderin qabyldaýdy, sondaı-aq poshta jóneltilimin adresatqa nemese jóneltýshige jetkizýdi jáne (nemese) tabys etýdi júzege asyratyn jumys­ker; 48) sáıkestendirý – poshta operatory jumyskerleriniń, Ulttyq poshta operatorynyń jeke tulǵanyń usynylǵan jeke basty kýálandyratyn qujatqa sáıkestigin belgileýge baǵyttalǵan áreketteri; 49) taǵaıyndalǵan operator – poshta baılanysynyń qyzmetterin kórsetýdi qamtamasyz etý jáne Qazaqstan Respýb­lıkasynyń búkil aýmaǵynda Dúnıejúzilik poshta odaǵynyń aktilerinen týyndaıtyn, ózderine qatysty mindettemelerdi oryndaý úshin ýákiletti organ taǵaıyndaıtyn poshta ope­ratory; 50) tarıf – poshta operatorynyń kórsetiletin qyzmetterine aqy tóleý mólsheri; 51) tirkeletin poshta jóneltilimi – jóneltýshige poshta jóneltilimine poshtalyq tirkeý nómirin (sáıkestendirý áriptik-sıfrlyq shtrıh-kod) qoıý arqyly túbirtek berilip, qabyldanatyn jáne adresatqa qolhat arqyly tabys etiletin jazbasha hat-habar, jiberilim; 52) tirkelmeıtin poshta jóneltilimi – jóneltýshilerge qabyldanǵany týraly túbirtek bermesten (poshtalyq tirkeý nómirin, sáıkestendirý áriptik-sıfrlyq shtrıh-kod bermesten) poshta jáshikteri nemese óndiristik obektiler arqyly qabyldanatyn jáne qolhat almaı adresatqa jetkiziletin jazbasha hat-habar; 53) ulttyq poshta jelisi – Qazaqstan Respýblıkasynyń búkil aýmaǵynda áreket etetin, poshta operatorynyń kórse­tiletin qyzmetterin paıdalanýshylarǵa sol arqyly qyzmetter usynylatyn Ulttyq poshta operatorynyń poshta jelisi; 54) Ulttyq poshta operatory – osy Zańda kózdelgen mindettemeler júktelgen, aksııalarynyń baqylaý paketi ulttyq basqarýshy holdıngke tıesili aksıonerlik qoǵamnyń uıymdyq-quqyqtyq nysanynda qurylǵan, poshta salasyndaǵy ýákiletti organ aıqyndaıtyn poshta operatory; 55) ústeme tólemdi poshta jóneltilimi – berý kezinde jóneltýshi poshta operatoryna adresattan ózi belgilegen aqsha somasyn (ústeme tólem somasyn) alýdy jáne ony jónel­týshiniń mekenjaıyna jiberýdi tapsyratyn poshta jóneltilimi; 56) fılatelııalyq ónim – kolleksııa obektileri bolyp tabylatyn, poshta tóleminiń memlekettik belgilerin jáne fılatelııalyq ónimdi shyǵarý, ótkizý qaǵıdalaryna sáıkes poshta aınalymynan alynǵan poshta tóleminiń memlekettik belgileri; 57) frankırleý mashınasy – jazbasha hat-habarǵa poshta baılanysynyń kórsetiletin qyzmetterine aqy tólengenin, jazbasha hat-habardyń jáne basqa da aqparattyń qabyldanǵan kúnin rastaıtyn bederler salýǵa arnalǵan qurylǵy; 58) halyqaralyq qaıtarym kýpony – Dúnıejúzilik poshta odaǵy aınalymǵa engizetin, Dúnıejúzilik poshta odaǵyna múshe kez kelgen elde poshta markalaryna aıyrbastaýǵa jatatyn, áýe kóligimen jiberiletin, massasy jıyrma gramǵa deıingi jaı halyqaralyq hattyń eń tómen aqysyn bildiretin qujat; 59) halyqaralyq poshta almasý orny – halyqaralyq kiris jáne shyǵys poshta jóneltilimderin óńdeý júzege asyrylatyn, sondaı-aq memlekettik kirister organdary kór­setilgen jóneltilimderge kedendik baqylaý júrgizetin óndiristik obekt; 60) halyqaralyq poshta jóneltilimi – Qazaqstan Respýb­lıkasy aýmaǵynyń tys jerlerge jiberý úshin qabyldanatyn, Qazaqstan Respýblıkasynyń aýmaǵyna kelip túsetin ne Qazaqstan Respýblıkasynyń aýmaǵy arqyly tranzıtpen ótetin poshta jóneltilimi; 61) hat – mólsheri, massasy jáne býyp-túıý tásili poshta baılanysynyń kórsetiletin qyzmetterin usyný qaǵıdalaryna sáıkes kózdelgen, jazbasha habarlamamen jáne basqa da usaq zattarmen birge jiberiletin, tirkelmeıtin jáne tirkeletin poshta jóneltilimi; 62) ishki poshta jóneltilimi – Qazaqstan Respýblıkasynyń aýmaǵy sheginde jiberý úshin qabyldanatyn poshta jóneltilimi; 63) elektrondyq abonenttik poshta jáshigi – elektrondyq hattar (habarlar) men qujattardy qabyldaý jáne jetkizý úshin Ulttyq poshta operatorynyń nemese poshta operatorynyń aqparattyq júıesinde qurylatyn poshta operatorynyń kórsetiletin qyzmetterin paıdalanýshynyń domendik ataýy; 64) elektrondyq hat (habar) – telekommýnıkasııalar jelisin, ınternet nemese elektrondyq jetkizgishterdi paıdalana otyryp, elektrondyq nysanda jiberiletin aqparat. 2-bap. Osy Zańnyń qoldanylý aıasy Osy Zańnyń kúshi Qazaqstan Respýblıkasynyń aýma­ǵynda poshta operatorynyń kórsetiletin qyzmetterin paıdalanýshylarǵa, sondaı-aq poshta salasyndaǵy qyzmetti júzege asyratyn jeke jáne zańdy tulǵalarǵa qoldanylady. 3-bap. Qazaqstan Respýblıkasynyń poshta týraly zańnamasy 1. Qazaqstan Respýblıkasynyń poshta týraly zańnamasy Qazaqstan Respýblıkasynyń Konstıtýsııasyna negizdeledi, osy Zań men Qazaqstan Respýblıkasynyń ózge de normatıvtik quqyqtyq aktilerinen turady. 2. Eger Qazaqstan Respýblıkasy ratıfıkasııalaǵan halyqaralyq shartta osy Zańdaǵydan ózgeshe qaǵıdalar belgilense, onda halyqaralyq sharttyń qaǵıdalary qoldanylady. 4-bap. Poshta qyzmetiniń negizgi qaǵıdattary Mynalar: 1) poshta baılanysy salasyndaǵy qyzmetti júzege asyrý kezinde zańdylyqtyń saqtalýy; 2) Qazaqstan Respýblıkasynyń aýmaǵynda poshta operato­rynyń kórsetiletin qyzmetterin paıdalanýshylarǵa poshta baılanysynyń kórsetiletin qyzmetteriniń qolje­timdiligi; 3) poshta operatorynyń kórsetiletin qyzmetterin paıdalaný­shylardyń quqyqtary men múddelerin poshta operatorlarynyń saqtaýy; 4) Qazaqstan Respýblıkasynyń aýmaǵynda posh­ta jónelti­limderi qozǵalysynyń jáne Qazaqstan Respýblıkasynyń aýmaǵy arqyly halyqaralyq poshta jóneltilimderi tranzıtiniń erkindigi; 5) poshta baılanysynyń kórsetiletin qyzmetterin usyný jáne osy qyzmettiń nátıjelerin paıdalaný kezinde jeke jáne zańdy tulǵalar quqyqtarynyń teńdigi; 6) poshta qupııasyn qamtamasyz etý; 7) Qazaqstan Respýblıkasynda ulttyq poshta jelisiniń damýyn jáne jumys isteýin qamtamasyz etý; 8) poshta operatorynyń kórsetiletin qyzmetterin paıdala­nýshylarǵa poshta baılanysynyń qyzmetterin kórsetý kezinde poshta operatorlary úshin poshta baılanysy salasyndaǵy qaǵıdalar men talaptar birligi poshta qyzmetiniń qaǵıdattary bolyp tabylady. 2-taraý. POShTA SALASYNDAǴY MEMLEKETTIK RETTEÝ 5-bap. Poshta salasyndaǵy memlekettik organdardyń quzyreti 1. Ýákiletti organ: 1) poshta salasyndaǵy memlekettik saıasatty iske asyrady; 2) Qazaqstan Respýblıkasynyń aýmaǵynda poshta salasyndaǵy qyzmetti retteýdi júzege asyrady; 3) Qazaqstan Respýblıkasynyń poshta baılanysynyń kórsetiletin qyzmetterin usyný jónindegi zańnamasynyń saqta­lýyn baqylaýdy júzege asyrady; 4) Ulttyq poshta operatorynyń usynysy boıynsha poshta tóleminiń memlekettik belgileriniń túrleri men shyǵarylý kólemin bekitedi; 5) poshta tóleminiń memlekettik belgilerin jáne fılatelııalyq ónimdi shyǵarý, ótkizý qaǵıdalaryn bekitedi; 6) poshta tólemi belgileriniń memlekettik kolleksııasyn qalyptastyrady; 7) Qazaqstan Respýblıkasynda poshta ındeksterin berý jónindegi qaǵıdalardy bekitedi; 8) óz quzyreti sheginde Qazaqstan Respýblıkasynda poshta qyzmetin jetildirýge jáne damytýǵa baǵyttalǵan poshta salasyndaǵy normatıvtik quqyqtyq aktilerdi ázirleıdi jáne bekitedi jáne olardyń iske asyrylýyn uıymdastyrady; 9) arnaýly poshta baılanysy qyzmeti qyzmetkerleriniń nysandy kıiminiń jáne Ulttyq poshta operatory jumys­kerleriniń nysandy kıiminiń (pogonsyz) úlgilerin, ony kıip júrý qaǵıdalaryn, onymen qamtamasyz etý normalaryn bekitedi; 10) ulttyq qaýipsizdik organdarymen kelisý boıynsha jedel-izdestirý is-sharalaryn júrgizý maqsatynda poshta baılanysy jelileri men quraldaryna qoıylatyn talaptardy, sondaı-aq Qazaqstan Respýblıkasynyń poshta jelilerinde jedel-izdestirý is-sharalaryn júrgizýdiń apparattyq-baǵdarlamalyq jáne tehnıkalyq quraldaryn engizý jáne paıdalaný kezindegi ózara is-qımyl jasaý qaǵıdalaryn bekitedi; 11) Qazaqstan Respýblıkasynyń Úkimeti atynan jáne Qazaqstan Respýblıkasynyń Úkimeti aıqyndaǵan ókilettikter sheginde áreket etedi, basqa memlekettermen, halyqaralyq odaqtarmen jáne halyqaralyq uıymdarmen ózara is-qımyl kezinde Qazaqstannyń poshta baılanysy salasyndaǵy múddelerin bildiredi jáne qorǵaıdy; 12) keden isi salasyndaǵy ýákiletti organmen kelisý boıynsha Ulttyq poshta operatorynyń nemese poshta operatorlarynyń ótinish­teri boıynsha halyqaralyq poshta almasý oryndaryn bekitedi; 13) operatordy taǵaıyndaý jáne taǵaıyndalǵan opera­tordyń ókilettikterin keri qaıtaryp alý qaǵıdalaryn bekitedi; 14) operatordy taǵaıyndaıdy jáne taǵaıyndalǵan operator­dyń ókilettikterin keri qaıtaryp alady; 15) poshta operatorlarynyń ataýly qurylǵylardy qoldaný qaǵıdalaryn bekitedi; 16) poshta baılanysynyń kórsetiletin qyzmetterin usyný qaǵıdalaryn bekitedi; 17) poshta tóleminiń memlekettik belgilerin qospaǵanda, poshta operatorynyń poshta tólemi belgilerin kelisedi, ony paıdalaný tártibin jáne poshta operatorynyń poshta tólemi belgilerine qoıylatyn talaptardy aıqyndaıdy; 18) fılatelııalyq ónim retinde paıdalaný maqsatynda poshta tóleminiń memlekettik belgisin poshta aınalymynan alýdy júzege asyrady; 19) elektrondyq abonenttik poshta jáshikteriniń biryńǵaı júıesiniń jumys isteýi jáne elektrondyq abonenttik poshta jáshikteriniń biryńǵaı júıesinde poshta operatorynyń kórseti­letin qyzmetterin paıdalanýshylardy avtorlandyrý qaǵıdalaryn bekitedi; 20) abonenttik poshta jáshikterin ornalastyrý, kútip-ustaý jáne olardyń tehnıkalyq sıpattamalary jónindegi talaptardy bekitedi; 21) poshta baılanysynyń ámbebap kórsetiletin qyzmet­teriniń sapa kórsetkishterin bekitedi; 22) poshta operatorlarynyń qyzmetter kórsetýine qajetti jáne jetkilikti, poshta operatorynyń kórsetiletin qyzmetterin paıdalanýshylardyń derbes derekteriniń biryńǵaı tizbesin bekitedi; 23) Ulttyq poshta operatoryn aıqyndaıdy; 24) osy Zańda, Qazaqstan Respýblıkasynyń ózge de zańda­rynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 2. Oblystardyń, respýblıkalyq mańyzy bar qalalardyń, astananyń, aýdandardyń, oblystyq mańyzy bar qalalardyń jer­gilikti atqarýshy organdary, qaladaǵy aýdandar, aýdandyq mańy­zy bar qalalar, kentter, aýyldar, aýyldyq okrýgter ákimderi: 1) poshta operatorlaryna ózderiniń aýmaqtaryna óndiristik obektilerdi ornalastyrýynda járdem kórsetedi; 2) ákimshilik-aýmaqtyq birlik aýmaǵynda poshta baılany­synyń tıimdi jumys isteýine járdemdesedi; 3) kondomınıým obektilerin basqarý organdarymen, turǵyn jáne turǵyn emes ǵımarattardyń menshik ıelerimen olardyń abonenttik poshta jáshikterin qamtamasyz etýi jáne olardy tıisinshe paıdalaný jóninde jumys júrgizedi. 6-bap. Poshta salasyndaǵy qupııany qamtamasyz etý 1. Memleket árbir poshta operatorynyń kórsetiletin qyzmetterin paıdalanýshyǵa poshta qupııasy quqyǵyna kepildik beredi. Qazaqstan Respýblıkasynyń zańdarynda tikeleı belgi­lengen jaǵdaılarda jáne tártippen ǵana osy quqyqty shekteýlerge jol beriledi. 2. Poshta salasyndaǵy qupııa poshta qupııasy jáne bank qupııasy bolyp bólinedi. Poshta qupııasyn jáne bank qupııasyn saqtaý jáne qamtamasyz etý jónindegi talaptar osy Zańda jáne «Qazaqstan Respýblıkasyndaǵy bankter jáne bank qyzmeti týraly» Qazaqstan Respýblıkasynyń Zańynda belgilenedi. 3. Poshta operatorlary poshta salasyndaǵy qupııany qamtamasyz etý jónindegi talaptardy saqtaýǵa mindetti. Qazaqstan Respýblıkasynyń zańnamasynda kózdelgen jaǵdaılarda, poshta jóneltilimderin ashý prosesine qatysqan poshta operatorlarynyń jumyskerleri Qazaqstan Respýblıkasynyń zańdarynda tikeleı belgilengen jaǵdaı­lardy qospaǵanda, poshta qupııasyn saqtaýmen baılanysty aqparatty jarııalaýǵa quqyly emes. 4. Poshta salasyndaǵy qupııanyń buzylýyna jol bergen poshta operatorlarynyń laýazymdy adamdary men basqa da jumyskerleri, sondaı-aq ózge de jeke jáne zańdy tulǵalar Qazaqstan Respýblıkasynyń zańdaryna sáıkes jaýapqa tar­tylady. 5. Poshta jóneltilimderin qarap-tekserýdi, alýdy jáne tyıym salýdy Qazaqstan Respýblıkasynyń zańnamalyq aktilerinde kózdelgen jaǵdaılarda ǵana sottar, quqyq qorǵaý organdary jáne arnaýly memlekettik organdar júzege asyrady. 7-bap. Poshta operatorlarynyń jedel-izdestirý qyzmetin júzege asyratyn organdarmen ózara is-qımyly 1. Qazaqstan Respýblıkasynyń aýmaǵynda poshta qyzmetin júzege asyratyn poshta operatorlary Qazaqstan Respýb­lıkasynyń zańnamalyq aktilerine sáıkes poshta baılanysy jelilerinde jedel-izdestirý qyzmetin júzege asyratyn organdarǵa poshta baılanysynyń barlyq jelilerinde jedel-izdestirý is-sharalaryn júrgizýdiń uıymdastyrýshylyq jáne tehnıkalyq múmkindikterin, poshta operatorynyń kórsetiletin qyzmetterin paıdalanýshylar týraly qyzmettik aqparatqa qolje­timdilikti qamtamasyz etýge, sondaı-aq kórsetilgen is-sharalardy ótkizý nysandary men tásilderiniń ashylýyn boldyrmaý jóninde sharalar qoldanýǵa mindetti. Ýákiletti organ ulttyq qaýipsizdik organdarymen kelisý boıynsha jedel-izdestirý is-sharalaryn júrgizý maqsatynda poshta baılanysy jelileri men quraldaryna qoıylatyn talaptardy, sondaı-aq Qazaqstan Respýblıkasynyń poshta jelilerinde jedel-izdestirý is-sharalaryn júrgizýdiń apparattyq-baǵdarlamalyq jáne tehnıkalyq quraldaryn engizý jáne paıdalaný kezindegi ózara is-qımyl jasaý qaǵıdalaryn aıqyndaıdy. Poshta operatorlary jedel-izdestirý is-sharalaryn júrgizýdi, derbes derekter týraly aqparat jınaýdy jáne saqtaýdy qamtamasyz etetin tehnıkalyq quraldar men jab­dyqty poshta jelilerinde ornatýǵa mindetti. Derbes derekter týraly aqparatty saqtaý merzimi poshta baılanysynyń kórsetiletin qyzmetterin usyný qaǵıdalarynda aıqyndalady. 2. Poshta operatorlarynyń jedel-izdestirý qyzmetin júzege asyratyn organdarmen ózara qatynastary «Jedel-izdestirý qyzmeti týraly» Qazaqstan Respýblıkasynyń Zańymen jáne osy Zańmen retteledi. 8. Poshta salasynda kórsetiletin qyzmetterge tarıfter 1. Eger Qazaqstan Respýblıkasynyń zańnamasynda ózgeshe kózdelmese, poshta salasynda kórsetiletin qyzmetterge tarıf­terdi poshta operatorlary negizdelgen shyǵyndar negizinde ózi derbes belgileıdi. 2. Poshta operatorlary kórsetetin poshta baılanysynyń ámbebap kórsetiletin qyzmetterine tarıfterdi (baǵalardy, alym mólsherlemelerin) jáne olardyń shekti deńgeıin «Tabıǵı monopolııalar jáne retteletin naryqtar týraly» Qazaqstan Respýblıkasynyń Zańynda belgilengen tártippen ýákiletti organ bekitedi. Tıisti taýar naryǵynda ústem nemese monopolııalyq jaǵdaıǵa ıe naryq sýbektileri bolyp tabylatyn poshta operatorlarynyń kórsetiletin qyzmetterine baǵa belgileý tártibi Qazaqstan Respýblıkasynyń zańnamasyna sáıkes belgilenedi. 3-taraý. POShTA SALASYNDAǴY QYZMET 9-bap. Poshta salasyndaǵy qyzmet 1. Qazaqstan Respýblıkasynda poshta salasynda mynadaı qyzmet túrleri: 1) poshta qyzmeti; 2) osy Zańǵa sáıkes poshta salasyndaǵy ózge de qyzmet qoldanylady. 2. Poshta qyzmetine mynadaı poshta baılanysynyń kórseti­letin qyzmetteri jatady: 1) poshta baılanysynyń ámbebap kórsetiletin qyzmetteri; 2) tirkeletin poshta jóneltilimderin jiberý boıynsha kórseti­letin qyzmetter; 3) poshta baılanysynyń jedeldetilgen jáne kýrerlik kórsetiletin qyzmetteri; 4) poshtalyq aqsha aýdarymdary; 5) jazdyryp alynatyn merzimdi baspa basylymdaryn taratý jáne bólshek saýdada satý boıynsha kórsetiletin qyzmetter; 6) poshta tóleminiń belgilerin jáne fılatelııalyq ónimdi ótkizý boıynsha kórsetiletin qyzmetter; 7) gıbrıdtik jóneltilimdi jiberý boıynsha kórsetiletin qyzmetter; 8) «Baılanys týraly» Qazaqstan Respýblıkasynyń Zańyna sáıkes arnaýly poshta baılanysynyń kórsetiletin qyzmetteri; 9) poshta baılanysynyń kórsetiletin qyzmetterimen tyǵyz baılanysta usynylatyn ózge de kórsetiletin qyzmetter. 3. Poshta salasyndaǵy ózge de qyzmetke: 1) Qazaqstan Respýblıkasynyń zańdarynda kózdelgen bank operasııalary, qarjylyq kórsetiletin qyzmetter; 2) taýarlardy (júkterdi) tasymaldaý, óńdeý, qoımaǵa jınaý jáne saqtaý boıynsha kórsetiletin qyzmetter; 3) Qazaqstan Respýblıkasy zańnamasynyń talaptaryna sáıkes tapsyrma jáne (nemese) komıssııa sharty jaǵdaılarynda zańdyq áreketterdi jasaý; 4) zeınetaqylardy, járdemaqylar men ózge de áleýmettik tólemderdi jetkizý boıynsha kórsetiletin qyzmetter jatady. 10-bap. Poshta baılanysynyń ámbebap kórsetiletin qyzmetteri 1. Poshta operatory poshta baılanysynyń ámbebap kórsetiletin qyzmetterin usynǵan kezde poshta jáshikterinen jınap alynǵan jáne (nemese) óndiristik obektilerde qabyldanǵan jáne adresatqa tapsyrǵany týraly qolhat almaı jetkiziletin, poshta operatorynyń kórsetiletin qyzmetterin paıdalanýshylardyń tirkelmeıtin poshta jóneltilimderin jiberý jónindegi qyzmet­terdi kórsetedi. Poshta operatorynyń poshta baılanysynyń ámbebap kórsetiletin qyzmetterin usynýy ýákiletti organ bekit­ken, poshta operatorynyń kórsetiletin qyzmetterin paıdala­nýshylardyń poshta baılanysynyń ámbebap kórsetiletin qyzmetteriniń qoljetimdiligine, sapasyna jáne usynylý baǵasyna degen qajettilikterin qanaǵattandyratyn talaptar belgilenetin, poshta baılanysynyń ámbebap kórsetiletin qyzmetteriniń sapa kórsetkishterine sáıkes júzege asyrylady. 2. Poshta baılanysynyń ámbebap kórsetiletin qyzmetteri mynadaı kórsetiletin qyzmetter túrlerin: 1) tirkelmeıtin hatty jiberý boıynsha kórsetiletin qyzmetti; 2) tirkelmeıtin poshta kartochkasyn jiberý boıynsha kórseti­letin qyzmetti; 3) tirkelmeıtin banderoldi jiberý boıynsha kórsetiletin qyzmetti; 4) jazdyryp alynatyn merzimdi baspasóz basylym­daryn taratý boıynsha kórsetiletin qyzmetti qamtıdy. 3. Tirkelmeıtin poshta jóneltilimderi Qazaqstan Respýb­lıkasynyń aýmaǵy boıynsha da, onyń sheginen tys jerlerge de jiberýge qabyldanady. Tirkelmeıtin poshta jóneltilimderimen jiberiletin nárseler men zattarǵa qoıy­latyn talaptar poshta baılanysynyń kórsetiletin qyzmetterin usyný qaǵıdalarynda aıqyndalady. 4. Memlekettik organdar men memlekettik zańdy tulǵalar arasynda tirkelmeıtin poshtalyq jóneltilimderdi jiberýge, sondaı-aq jeke jáne zańdy tulǵalarǵa tirkelmeıtin poshta jónel­tilimderi túrindegi jazbasha jaýaptar joldaýǵa tyıym salynady. 11-bap. Tirkeletin poshta jóneltilimderin jiberý boıynsha kórsetiletin qyzmetter 1. Tirkeletin poshta jóneltilimin jiberý poshta jónel­tiliminiń qabyldanǵanyn qujattyq rastaý, jóneltýshige túbirtek berý jáne poshta jóneltilimine poshtalyq tirkeý nómirin (sáıkestendirý áriptik-sıfrlyq shtrıh-kod) berý, sondaı-aq poshta jóneltilimin adresatqa qolhat arqyly tabys etý jolymen júzege asyrylady. 2. Tirkeletin poshta jóneltilimderine: hat (tapsyrysty, qundylyǵy jarııalanǵan), poshta kartochkasy (tapsyrysty), banderol (tapsyrysty, qundylyǵy jarııalanǵan), usaq paket (tapsyrysty, qundylyǵy jarııalanǵan), jiberilimder (jaı, qundylyǵy jarııalanǵan) jatady. Tirkeletin poshta jóneltilimderin jiberý boıynsha kórseti­letin qyzmetke engiziletin poshta jóneltilimderiniń túrleri men sanattarynyń qosymsha tizbesi poshta baılany­synyń kórsetiletin qyzmetterin usyný qaǵıdalarynda belgilenedi. Tirkeletin poshta jóneltilimi qaıtarym mekenjaıy mindetti túrde kórsetile otyryp, qabyldanady. 3. Tirkeletin poshta jóneltilimderi Qazaqstan Respýblı­kasynyń aýmaǵy boıynsha da, onyń sheginen tys jerlerge de qabyldanady. Tirkeletin poshta jóneltilimderimen jiberiletin nárselerge, zattar men taýarlarǵa qoıylatyn talaptar poshta baılanysynyń kórsetiletin qyzmetterin usyný qaǵıdalarynda aıqyndalady. 12-bap. Jedeldetilgen jáne kýrerlik poshta baıla­nysynyń kórsetiletin qyzmetteri 1. Poshta operatorynyń jedeldetilgen jáne (nemese) kýrer­lik poshta baılanysynyń kórsetiletin qyzmetterin usyný boıynsha qyzmeti poshta jóneltilimderin jedel (ekspress) óńdeý, tasy­maldaý, jetkizý jáne (nemese) tabys etý eskerile otyryp jáne (nemese) osyndaı poshta jóneltilimderin kýrerdiń tasy­mal­­daýy jáne tabys etýi eskerile otyryp, olardy jiberýden turady. 2. Jedeldetilgen jáne kýrerlik poshta baılanysynyń kórsetiletin qyzmetine: 1) poshta jóneltilimderin qabyldaý; 2) poshta jóneltilimderin óńdeý, suryptaý, saqtaý, tasymaldaý jáne jetkizý; 3) poshta jóneltilimderin tabys etý; 4) jóneltýshini poshta jóneltiliminiń adresatqa tabys etilgeni týraly habardar etý kiredi. 13-bap. Poshtalyq aqsha aýdarymy 1. Poshtalyq aqsha aýdarymy tirkeletin poshta jóneltilimi bolyp tabylady. Poshtalyq aqsha aýdarymynyń tártibi men oǵan qoıylatyn talaptar, sondaı-aq poshta jóneltilimi blankisiniń nysandary poshta baılanysynyń kórsetiletin qyzmetterin usyný qaǵıdalarynda belgilenedi. 2. Qazaqstan Respýblıkasynyń ishinde jiberiletin poshtalyq aqsha aýdarymynyń somasy, eger Qazaqstan Respýblıkasynyń qylmystyq jolmen alynǵan kiristerdi zańdastyrýǵa (jylys­tatýǵa) jáne terrorızmdi qarjylandyrýǵa qarsy is-qımyl salasyndaǵy zańnamasynda ózgeshe kózdelmese, shektelmeıdi. Poshtalyq aqsha aýdarymdary Qazaqstan Respýblıkasynyń ulttyq valıýtasynda jáne Qazaqstan Respýblıkasynyń valıýtalyq zańnamasyna sáıkes basqa valıýtalarda qabyldanady. Poshtalyq aqsha aýdarymdaryn shetel valıýtasynda júzege asyrǵan kezde, jóneltýshi (alýshy) Qazaqstan Respýb­lıkasynyń valıýtalyq zańnamasynyń talaptaryna sáıkes qosymsha málimetter men qujattardy tabys etedi. 3. Poshtalyq aýdarymdardy júzege asyrý úshin aqshany qabyldaý qolma-qol aqsha jáne qolma-qol aqshasyz tásilmen júrgiziledi. Qolma-qol aqshasyz tásil kezinde poshtalyq aqsha aýdarymy poshta operatorynyń banktik shotyna aqsha jáne komıssııalyq syıaqy somasy kelip túskennen keıin júrgiziledi. 14-bap. Jazdyryp alynatyn merzimdi baspa basylymdaryn taratý 1. Jazdyryp alynatyn merzimdi baspa basylymdaryn taratý jónindegi qyzmetterdi poshta operatorynyń kórsetiletin qyz­metterin paıdalanýshylarǵa usyný poshta operatory buqara­lyq aqparat quraldarynyń menshik ıesimen nemese onyń ókilimen poshta operatorynyń jazdyryp alý katalogine merzimdi baspa basylymyn engizý jóninde shart jasasqannan keıin júzege asyrylady. Poshta operatory jazdyryp alýdyń biryńǵaı katalogin qaǵaz jetkizgishte nemese elektrondyq nysanda júrgizedi, onda merzimdi baspa basylymdarynyń taratylý aýmaǵyna qaraı respýblıkalyq, jergilikti jáne sheteldik merzimdi baspa basylymdary jónindegi bólimder qamtylýǵa tıis. 2. Jazdyryp alynatyn merzimdi baspa basylymdaryn taratý myna kezeńderden turady: 1) buqaralyq aqparat quraldarynyń menshik ıesimen nemese onyń ókilimen merzimdi baspa basylymdaryn taratýǵa, sondaı-aq poshta operatorynyń kórsetiletin qyzmetterin paıdalanýshydan tapsyrysty qabyldaýǵa jáne jazdyryp alýdy resimdeýge, onyń ishinde ınternet-resýrsty paıdalana otyryp resimdeýge jáne merzimdi baspa basylymdaryna poshta operatory qabyldaǵan jazdyryp alý boıynsha aqparatty óńdeýdi júzege asyrýǵa shart jasasý; 2) poshta operatorynyń merzimdi baspa basylymdaryn qabyldaýy, óńdeýi, tasymaldaýy, poshta operatorynyń kórse­tiletin qyzmetterin paıdalanýshyǵa jetkizýi ne merzimdi baspa basylymyn poshta operatorynyń kórsetiletin qyzmetterin paıdalanýshynyń elektrondyq abonenttik poshta jáshigine elektrondyq nysanda jiberýi. 3. Respýblıkalyq, jergilikti jáne shetel merzimdi baspa basylymdaryna jazylýdy poshta operatory nemese poshta operatorynyń kórsetiletin qyzmetterin paıdalanýshy óndiris­tik obektiler nemese ınternet-resýrstar arqyly júzege asyrady. Jazdyryp alynatyn respýblıkalyq merzimdi baspa basy­lymdaryn Qazaqstan Respýblıkasynyń búkil aýmaǵynda taratý buqaralyq aqparat quraldary salasyndaǵy ýákiletti organ beretin qujatqa sáıkes júzege asyrylady, al jergilikti merzimdi baspa basylymdaryn taratý oblystardyń, respýblıkalyq mańyzy bar qalalardyń, astananyń jergilikti atqarýshy organdary beretin tıisti qujatta kórsetilgen oblys, respýb­lıkalyq mańyzy bar qala, astana aýmaǵynda júzege asyrylady. 4. Jazdyryp alynatyn sheteldik merzimdi baspa basy­lymdaryn taratý «Buqaralyq aqparat quraldary týraly» Qazaqstan Respýblıkasynyń Zańyna sáıkes buqaralyq aqpa­rat quraldary salasyndaǵy ýákiletti organ, oblystardyń, respýblıkalyq mańyzy bar qalalardyń, astananyń jergilikti atqarýshy organdary beretin Qazaqstan Respýblıkasynyń aýmaǵynda taratylatyn sheteldik merzimdi baspa basylymdaryn esepke alý týraly qujatta kórsetilgen aýmaqta júzege asyrylady. 15-bap. Merzimdi baspa basylymdaryn bólshek saýda arqyly satý 1. Poshta operatorynyń kórsetiletin qyzmetterin paıdala­nýshylarǵa merzimdi baspa basylymdaryn bólshek saýda arqyly satý jónindegi qyzmetterdi usynýdy poshta operatory buqaralyq aqparat quraldarynyń menshik ıesimen nemese onyń ókilimen jasalǵan shart negizinde júzege asyrady. 2. Sheteldik merzimdi baspa basylymdaryn bólshek saýda arqyly satýdy poshta operatory Qazaqstan Respýblıkasynda taratylatyn, «Buqaralyq aqparat quraldary týraly» Qazaqstan Respýblıkasynyń Zańyna sáıkes buqaralyq aqparat quraldary salasyndaǵy ýákiletti organ, oblystardyń, respýblıkalyq mańyzy bar qalalardyń, astananyń jergilikti atqarýshy organdary beretin Qazaqstan Respýblıkasynda taratylatyn sheteldik merzimdi baspa basylymdaryn esepke alý týraly qujatta kórsetilgen aýmaqta júzege asyrady. 16-bap. Poshta tóleminiń belgilerin ótkizý 1. Poshta tóleminiń belgileri poshta operatorynyń jazbasha hat-habardy jiberý jónindegi qyzmetterine qoldanystaǵy tarıfterge sáıkes aqy tólengenin rastaýǵa arnalǵan. Poshta tóleminiń belgilerin qoldaný jazbasha hat-habar jóneltilimderine ǵana júzege asyrylady. 2. Poshta operatory, poshta tóleminiń memlekettik belgilerin qospaǵanda, ýákiletti organmen kelisilgen poshta tóleminiń belgilerin paıdalanady. 3. Poshta operatorlary Qazaqstan Respýblıkasynyń aýmaǵynda ishki jáne halyqaralyq jazbasha hat-habardy jiberýdi poshta tóleminiń belgileri bolǵan kezde ǵana júzege asyrady. 4. Satylǵan poshta tóleminiń belgileri, onyń ishinde memlekettik belgiler qaıtarylýǵa jáne aýystyrylýǵa jatpaıdy. 5. Poshta jóneltiliminde poshta tóleminiń belgileri bolmaǵan nemese belgilengen tarıf ishinara tólengen kezde, poshta operatory mundaı poshta jóneltilimin jóneltýshige qaıtarady. 6. Lastanǵan, búlingen, paıdalanylǵan (ótelgen), aınalymnan alynǵan poshta tóleminiń belgileri, sondaı-aq basqa memleket­terdiń poshta tóleminiń belgileri poshta baılanysynyń kórse­tiletin qyzmetterin tó