Zaýytta bolǵan jarylystan 105 adam zardap shekti

ASTANA. 21 sáýir. Meksıkanyń Verakrýs shtatyndaǵy munaı-hımııalyq zaýytta bolǵan jarylystan 105 adam zardap shekti. Bul týraly RIA «Novostı» aqparat agenttigine silteme jasaǵan egemen.kz tilshisi habarlady. Petroquimica Mexicana de Vinilo zaýytynda 20 sáýir kúni joıqyn jarylys boldy. Qutqarýshylar toby osynyń saldarynan 2 myńnan astam adamdy qaýipsiz aımaqqa kóshirdi. Aımaq basshysy Haver Dýarteniń málimdeýinshe, 58 adam sol kásiporynnyń qyzmetkerleri. Jaraqat alǵandardyń bári aýrýhanaǵa jatqyzyldy. Osyǵan deıin 3 adamnyń qaza tapqany týraly aqparat taraǵan. Alaıda, bul málimet resmı habarlanǵan joq. Sondaı-aq, Haver Dýarte osyǵan baılanysty atalǵan shtattaǵy alty mýnısıpııasynda bilim oryndarynda sabaq bolmaıtynyn aıtty. Qazir oqıǵa ornynda tergeý amaldary júrip jatyr. Jarylystyń basty sebebi ázirge belgisiz. Aıan Ábdýálı. Derek: RIA «Novostı». Foto: eluniversal.com.mx.