Karapetıannyń ómirlik qaǵıdasy, mine, osyndaı

Shyǵys Qazaqstan oblysynda 1 myńǵa jýyq armıan jer­gilikti ult ókilderimen yn­tymaqtastyqta ómir súrip jatyr. Munda olarǵa ózderiniń ulttyq mádenıeti men dástúrin saqtaýǵa qolaıly jaǵdaı jasalǵan. Osy maqsatta bir О́skemen qalasynyń ózinde 3 etnomádenı birlestik jumys isteıdi. Qaladaǵy etno­aýyldy aralap kórgen adamdar armıandardyń salt-dástúrlerimen tanysa alady. Sondaı-aq, «Vozrojdenıe» atalatyn mektep jumys istep tur. Atalǵan jeksenbilik mektepte armıan tili men mádenıeti oqytylady. Osydan biraz jyl buryn О́skemen qalasynda ulttar dostyǵyn nasıhattaýǵa arnalǵan Dostyq úıi elimizde alǵash bolyp ashylǵan bolatyn. Dostyq úıinde qaladaǵy kóptegen ult ókilderi bas qosyp, ulttar dostyǵyna úndeıtin sharalardy turaqty túrde ótkizip otyrady. Osy Dostyq úıiniń qasynan armıandardyń «Ararat» dep atalatyn shyǵarmashylyq ujymy jumys isteıdi. Elimizdegi armıandardyń qoǵamdyq birlestigi eń al­ǵash 1991 jyly Almatyda quryl­ǵan eken. Sodan beri bul uıym qanatyn keńge jaıyp, qazirgi kúnderi elimizdiń árbir óńirinde qyzmet etip keledi. Bul jaǵdaı olardyń óz tilderi men dástúrlerin saqtaýǵa jaǵymdy yqpal jasaýda. Sondaı belsendi birlestikterdiń biri Shyǵys Qazaqstan oblysynda qurylǵan uıym bolyp tabylady. Osy uıym aıasynda armıandar ózderiniń ulttyq merekelerin atap ótýdi dástúrge engizgen. Sonyń ishinde turaqty túrde qolǵa alynyp kele jatqan «Djangýlıým» (gúl meıramy), 7 sáýir kúni atap ótiletin Ana men sulýlyq merekesi, «Vartevar» jáne basqalardy aıtýǵa bolady. Armıandar, ásirese, qýǵyn-súrgin qurbandaryn eske alý sharalaryn, sondaı-aq, jer silkinisi qurbandaryn eske alý kúnin (bul eske alý Armenııadaǵy Spıtak qala­synda 7 jeltoqsandaǵy qaıǵy­ly oqıǵaǵa oraılas uıym­dastyrylady) qur jibermeıdi. Bizge osy jaıdyń bárin О́s­ke­men qalasyndaǵy oblystyq Dostyq úıiniń qyzmetkeri Armen Karapetıan aıtyp berdi. Armen Karapetıan – oblysta halyq dostyǵyn nasıhattaıtyn sharalarǵa belsene qatysyp kele jatqan jastardyń biri. Qazirgi kúni ol «Yntymaq – Sodrýjestvo» jastardyń qoǵamdyq birlestiginiń múshesi retinde kóptegen isterdi uıymdastyrýǵa atsalysyp júr. Onyń aıtýynsha, ýnıversıtet qabyrǵasynda bilim alyp júrgen kezinde ol atalǵan baǵyttaǵy sharalarǵa qatysýǵa yqylasyn  oıatqan. Buǵan elimizde Qazaqstan halqy Assambleıasynyń qurylýy jáne onyń qyzmetiniń el óńirlerine keńinen taralýy úlken yqpal etken. Armenniń ózi ınter­na­sıo­naldyq otbasynda dúnıege kelgen eken. Sondyqtan ol ózi­niń týǵan tilimen qatar, orys jáne qazaq tilderin jetik meń­gergen. Bul jaǵdaı onyń rýhanı turǵydan jetilýine, keń kózqarastaǵy azamat bolyp qalyptasýyna múmkindik bergen. – Oblysymyzda Qazaqstan halqy Assambleıasynyń qyz­metine jáne jastar ómirine qatysty sharalar ótse, men olardy qur jibermeýge tyrysamyn. Men úsh tildi de jaqsy bilgendikten, maǵan kóbinese sol sharalarda júrgizýshi bolý mindeti júkteledi. Bul mindetti atqarý meniń ózime de unaıdy, – deıdi ol. Armen Karapetıan bizge ózi belsendi túrde qatysatyn osyndaı sharalar týraly kóptegen áńgimeler aıtyp berdi. Sonyń birine toqtala ketkendi jón kórdik. О́tken jyldyń sońynda О́skemen qalasynda Tuńǵysh Prezıdent kúnine arnalyp, memlekettik tildi jaqsy biletin ár ult ókilderi jastarynyń oblystyq forýmy ótkiziledi. Oǵan oblysta yntymaqty ómir súrip jatqan kóptegen ult ókilderi qatysady. Sonyń biri – Armen Karapetıan. – Biz bul forýmnan kóp oı túıip, rýhanı turǵydan jetilip qaıttyq. Jalpy, kóp tildi bilýdiń, sonyń ishinde jergilikti ult ókilderiniń tilin bilip, qurmetteýdiń paıdasy zor. Mundaı adam uly Abaı «Adamzattyń bárin súı, baýyrym dep», dep aıtqanyndaı, halyq dostyǵyn qurmetteýge, ishki mádenıetin jetildirýge beıim turady. Meniń oıymsha, osynyń nátıjesinde ondaı adamdardyń, ásirese, jastardyń ómirde joly da jarqyn bolady, – deıdi ol. Jas ta bolsa, ómirge durys kózqaras qalyptastyryp, san ulttan quralǵan elimizdiń ta­týlyq jolynda qyzmet etip kele jatqan Armen Karapetıannyń bul sózine biz de qosylamyz. Suńǵat ÁLIPBAI, «Egemen Qazaqstan» Shyǵys Qazaqstan oblysy