О́tkeni – órnekti, erteńi – aıshyqty

Qazaqstan halqy­nyń birligi kúni meıramyna oraı  jáne  ortaq Otanymyz – Qazaqstan Respýblıkasy Táýel­sizdiginiń 25 jyldyǵy merekesi qarsańynda Astana qalasynda ót­ken Qazaqstan Hal­qy Assambleıasy ses­sııasynyń «Táýel­sizdik. Kelisim. Bolashaǵy Birtutas Ult» atty taqyrypty tý etýi de asa aıryqsha mańyzǵa ıe. Ses­sııada Memleket basshysy N.Nazarbaev Assambleıa tarıhynyń Táýelsizdikpen bite qaınasqan uǵym ekendigin, onyń Táýelsizdiktiń naqty jemisi ekendigin aıtty. Rasynda, budan 25 jyl buryn óz egemendigin jarııalaǵan eldiń irgesi berik bolyp, shańyraǵyn bıik kóterýine osy elde turatyn barlyq ulttardyń ókilderi atsalysqan bolatyn. Osy aýyzbirshilik, yntymaq irgesi esh sógilgen joq, Assambleıa halyqtyń birligine qalaı qyzmet etse, osy shırek ǵasyr ýaqyt  Assambleıanyń, uly dostyqtyń bekı túsýine múmkindik berdi. Búginde biz – Qazaqstandy meken etken birneshe ult ókilderi qazaq halqymen birge biraýyzdan eń basty qundylyq retinde Táýelsizdikti, eń qajetti sıpat  retinde Kelisimdi, eń senimdi qamal retinde Birtutas bolashaqty aıtamyz. Sessııada Memleket basshysy memlekettik qyzmettegi etnos alýandylyǵy máselesin qoz­ǵady – muny da Qazaqstandaǵy ártúrli ult ókilderin «ózge» dep ózekten teppeı, ortaǵa tarta bilgen ashyqtyqtyń belgisi retinde qabyldadym. Sondaı-aq, EKSPO-2017 kórmesin ótkizý, úshtildilikti túsindire otyryp damytý, bilim berý salasyndaǵy ózgeristerdi, tıimdiligin eskere otyryp, qolǵa alý qajettigi, esep beretin memleketti qalyptastyrý baǵytyndaǵy qol jetkizilgen jumystar nátıjesi týraly aıtty. Bul áńgimeler tekten-tekke aıtylǵan joq, ol táýelsiz elimizdiń budan ári damýynyń kepili jáne qa­zaq­stan­dyqtardyń bir­lese otyryp minsiz atqarýy tıis jumystar. Qazir respýblıka­myzdyń barlyq óńir­lerinde, ásirese, áleý­­­mettik jeliler qol­danýshylary arasynda jer máselesi basty nazarda tur. Jer árbir ulttyń, árbir memlekettiń eń basty baılyǵy, tirek-turaǵy. Qazaqstan úshin de solaı, onyń mańyzdylyǵy sonshalyqty – birneshe ǵasyrlar boıy qazaq dala­synyń qaıratty uldary – keshegi ata-babalar ony qarýdyń ushymen qorǵap ótkeni belgili. Al jańa zamandaǵy táýelsiz Qazaqstannyń Prezıdenti N.Nazarbaev  shekaralas kórshi eldermen 8 jyl boıy tynymsyz kelissózder júrgizip, shekara syzyǵyn bekitti. Elbasy  sessııada osy máselege arnaıy toqtalyp, aýylsharýashylyǵy jerleriniń sheteldik azamattarǵa jáne sheteldik kompanııalarǵa satylmaıtyndyǵyn, jerdiń tek aýylsharýashylyǵymen aınalysý úshin otandyq kásipkerlerge jekemenshikke beriletindigin túsindirdi. N.Nazarbaev birlik pen bir­tektilik uǵymynyń mańyzy men bizdiń ómirimizdegi basty sıpatyn aıryqsha baǵalap, Assambleıanyń aralasýymen júzege asyrylǵan isterge toqtaldy. Buǵan deıin mesenattar qaýymdastyǵynyń basty úılestirýshisi, sotqa deıin-aq daýly máselelerdi sheshýshi medıator syndy mańyzdy sharýalardyń is basynan tabylǵan Assambleıa aldaǵy kezeńderde de «Máńgilik El» patrıottyq aktisin júzege asyrýshy belsendi kúshterdiń, negizgi tetikterdiń biri bolyp, Qazaqstandaǵy bereke-birliktiń, kelisim men damýdyń uıytqysy bola bermek. Sergeı MARTYN, «Vıdergebýrt» nemis etnomádenı birlestiginiń tóraǵasy AQTAÝ