ASTANA. 4 mamyr. О́zbekstandyq gımnastshy Oksana Chýsovıtına Brazılııanyń Rıo-de-Janeıro qalasynda ótetin Olımpııa oıyndaryna qatysatyn bolady. Bul týraly egemen.kz tilshisi habarlady.
Ol kezinde sporttyq gımnastıkadan Olımpıada chempıony bolǵan. Sporttyń osy túrimen 25 jyldan beri aınalysyp keledi. Olımpıadaǵa alty ret qatysqan. Bıylǵy Oıyndar onyń jetinshi jarysy bolady. Oksana Chýsovıtına bıyl 41 jasqa tolady. Rasyn aıtý kerek, buǵan deıin gımnastshylar arasynda eshkim 41 jasynda Olımpııa oıyndaryna qatysyp kórgen emes. Sondyqtan ózbekstandyq sportshy tórt jylda bir aınalyp keletin dúbirli doda tarıhynda eń jasy úlken gımnastshy atanady.
Áriptesteri ony qaljyńdap «áje» dep ataıdy eken. Oksana mundaı qaljyńdy kóteredi. Ol ózin áli 17 jastaǵy boıjetken sııaqty sezinedi. Gımnastshy О́zbekstanda týyp-ósken. Sońǵy kezderi Germanııa qurama komandasynda óner kórsetti.
Dastan Kenjalın.
Derek, foto: centralasian.org
[caption id="attachment_38163" align="aligncenter" width="494"]
663414[/caption]
