Atyraýda bir azamat 2 mlrd. 700 mln. teńgesin jarııa etti

ATYRAÝ. 5 mamyr. Atyraýda bir azamat 2 mlrd 700 mln teńgesin jarııa etip, zańdastyryp aldy. Bul týraly oblystyq memlekettik kirister departamentiniń baspasóz qyzmetine silteme jasaǵan egemen.kz tilshisi habarlady. Sońǵy aılarda Atyraýda múlikti jarııa etýge ynta tanytýshylar kóbeıe bastaǵany baıqalady. Máselen, 1 mamyrǵa deıin óńir turǵyndarynan 1313 ótinish túsipti. Osyǵan sáıkes 10,3 mlrd teńgeni quraıtyn múlik pen 7,9 mlrd teńgeniń aqshasy jarııa etilipti. О́ńir turǵyndary sonymen birge, Qazaqstan aýmaǵynan tysqary, ıaǵnı, shet elderdegi múlikterin de jarııa etýge uıǵarym jasapty. Atyraý oblystyq memlekettik kirister departamenti usynǵan naqty derekke súıensek, osyǵan oraı turǵyndardan 18 ótinish túsip, 207,4 mln teńgege baǵalanǵan sheteldegi múlik jarııalandy. Bir tańdanarlyǵy, ótken aptada bir azamat óziniń 2 mıllıard 700 mıllıon teńgesin jarııa etýge ótinish berip, qomaqty qarjysyn zańdastyryp aldy. Joldasbek Shópeǵul. Derek: Atyraý oblysy boıynsha memlekettik kirister departamentiniń baspasóz qyzmeti. Foto: tengrinews.kz.