Japonııada balalar sany azaıyp barady

ASTANA. 5 mamyr. Japonııada 15 jasqa deıingi balalar sany eń tómengi deıgeıge jetti. Bul týraly TASS aqparat agenttigine silteme jasaǵan egemen.kz tilshisi habarlady. Halqy 127 mıllıondy quraıtyn Kúnshyǵys elinde 2016 jyldyń 1 sáýiri boıynsha jasóspirimder sany sany – 16,05 mıllıon. Bul ótken jyldyń alǵashqy úsh aıymen salystyrǵanda 150 myńǵa az. Resmı málimetter boıynsha balalar úlesi –13 paıyz, ıaǵnı 1950 jyldan bergi rekordtyq deńgeıdegi az kórsetkish bolyp esepteledi. 12-14 jas aralyǵyndaǵy balalar sany – 3,42 mıllıon bolsa, jańa týǵan náreste men 2 jasqa deıingi búldirshinder sany – 3,07 mıllıon. Sonymen qatar, uldar sany – 8,22 mıllıondy qurasa, qyzdardyń qatary – 7,82 mıllıon. Osy kórsetkishpen Japonııa eń keminde 40 mıllıon halqy bar elderdiń arasynda eń sońǵy orynda keledi. Buǵan birden-bir sebep – týý kórsetkishiniń azaıýy. Aıta keteıik, atalǵan memlekette qarttardyń sany artyp keledi. Statıstıka boıynsha, 65 jastan joǵary turǵyndardyń sany 34,8 mıllıon, bul jalpy halyqtyń shamamen 26,7 paıyzyn quraıdy. Aıan Ábdýálı. Derek: TASS. Foto: kazpravda.kz.