Prezıdent Jer kodeksindegi túzetýlerge moratorıı jarııalady

ASTANA. 5 mamyr. Qazaqstan Prezıdenti Nursultan Nazarbaev Jer kodeksindegi túzetýlerge moratorıı jarııalady. Bul týraly Aqordanyń baspasóz qyzmetine silteme jasaǵan egemen.kz tilshisi habarlady. «Halyqqa aýylsharýashylyq jeriniń satylmaıtynyn túsindirý kerek edi. Eger qazaqstandyqtar qabyldanǵan sheshimge senbese, túsinbese, onda ol durys emes. Biz munyń barlyǵyn halyq úshin isteımiz. Qoǵamda birqatar zańnamalyq norma boıynsha kúmán týdy», – dedi Memleket basshysy Aqordada ótken keńes otyrysynda. Sondaı-aq, Prezıdent: «Sondyqtan da men mynadaı sheshim qabyldaımyn. Jer kodeksiniń qoǵamdyq rezonans týdyrǵan birqatar normalary, naqty aıtqanda, byltyrǵy engizilgen tórt normany kúshine engizýge moratorıı jarııalaımyn. Aldymen jaǵdaıdy egjeı-tegjeıli qarap, halyqqa túsindirip, Parlamentpen birge sheshseńder, moratorııdi túsiremiz, bolmasa, túsirmeımiz», – dedi. Talǵat Raıymbek. Derek, foto: Aqordanyń baspasóz qyzmeti.