Aqtóbede zaýyttyqtar saıabaqqa aǵash otyrǵyzdy

AQTО́BE. 5 mamyr. О́ńirde ótkizilip jatqan «Aǵash otyrǵyz» ekologııalyq aksııasyna «Qazhrom»TUK»AQ fılıaly – Aqtóbe ferroqorytpa zaýyty qorshaǵan ortany qorǵaý basqarmasynyń qyzmetkerleri bir kisideı atsalysyp, ózderiniń úlesterin qosýda. Bul týraly egemen.kz tilshisi habarlady. Ekologııalyq aılyq aıasynda uıymdastyrylǵan shara barysynda olar Qazaqstan Respýblıkasynyń Tuńǵysh Prezıdenti Nursultan Nazarbaev atyndaǵy ortalyq saıabaqqa ózderiniń qarajatyna satyp alynǵan 50 túp pıramıdalyq terek kóshetin otyrǵyzdy. rtalyq saıabaqqaIgilikti iske  ózderiniń  qoltańbasyn qaldyrýǵa kelgen zaýyttyqtar  biri kóshetterdi otyrǵyzyp jatsa, endi biri otyrǵyzlǵan aǵashtardyń túbine sý quıyp jumysty qyzdyra tústi. Zaýyttyqtardyń qolymen otyrǵyzylǵan aǵashtar saıabaqta jaıqalyp ósip, alyp báıterekke aınalsyn degen yrymmen alqyzyl lentany da baılaýdy umytqan joq. «Ekologııalyq másele bizdiń kompanııada jalpy árdaıym basty nazarda ustalady. Bizdiń zaýytta aǵash otyrǵyzý jyl saıyn júzege asyrylady. Aǵash egý tazalyqtyń, jaqsylyqtyń nyshany. Árbir azamat qorshaǵan ortany qorǵaý, taza ustaý, abattandyrý, kógaldandyrý isine úlken jaýapkershilikpen qaraǵany durys dep oılaımyn. Bul barshaǵa ortaq is. Búgin, mine metallýrgterdiń atynan ortalyq saıabaǵyna aǵash otyrǵyzyp qoltańbamyzdy qaldyryp jatyrmyz. Bul shara jaqsylyqtyń nyshany bolyp qana qoımaı, elimizdi kórkeıtýge, jasyl jelekke aınaldyrýǵa qosqan kishkentaı ǵana úlesimiz dep bilemin», deıdi qorshaǵan ortany qorǵaý basqarmasynyń ınjener-ekology О́tegen Saparbergen. Satybaldy Sáýirbaı. Derek, foto: egemen.kz