Qaraǵandyda polısııa basshysy soǵys ardagerin quttyqtady

QARAǴANDY. 5 mamyr. Qaraǵandy oblystyq ishki ister departamentiniń basshysy, polısııa general-maıory Mergenbaı Japparov Uly Otan soǵysynyń ardagerin úıine baryp quttyqtady. Bul týraly ishki ister departamentiniń baspasóz qyzmetine silteme jasaǵan egemen.kz tilshisi habarlady. Uly Jeńis merekesi qarsańynda general Mergenbaı Japparov maıdanger, mılısııa qyzmetiniń ardageri Asylhan Omarhanovtyń shańyraǵynda bolyp, 92 jastaǵy qarııany merekemen quttyqtap, aqshalaı jáne baǵaly syılyqtar tapsyrdy. Otstavkadaǵy mılısııa podpolkovnıgi Asylhan Omarhanov Uly Otan soǵysy kezinde Kýrs ıini úshin bolǵan shaıqasqa qatysyp, Orel, Kýrsk, Smolensk qalalaryn jaý qolynan azat etýge at salysty. Soǵystan keıin 1951 jyldan bastap 1974 jylǵa deıin ishki ister organdarynda túrli qyzmetterdi atqarǵan. Qaırat Ábildınov. Derek, foto: ishki ister departamentiniń baspasóz qyzmeti.