Soǵys ardagerlerin quttyqtady

Uly Jeńis kúni qarsańynda Shymkent qalasyndaǵy S.Rahymov atyndaǵy «Jas ulan» respýblıkalyq áskerı mektep-ınternatynyń tárbıelenýshileri Uly Otan soǵysy ardagerleriniń úılerin aralap, olardy osynaý aıtýly merekelerimen quttyqtady, sondaı-aq, turmys-tirshiligine qolǵabys etti. Harkov pen Voroshılov, Polsha, Lıtva men Latvııadaǵy soǵysty basynan keshirgen, tipti, sonaý Germanııanyń ózine deıin barǵan ardager Abylaı Qazybaev bolashaq áskerı qyzmetshilerge áskerı qyzmeti týraly tarıhpen jáne baǵa jetpes bilimimen bólisti. Soǵys batyry A.Qazybaev jas urpaqqa óziniń maıdan tarıhyn áńgimelep, uzaq jylǵy jaýyngerlik qyzmetinen syr shertti. Ardager qart maıdandas dostaryn, olarmen birge ótkizgen surapyl soǵys jyldaryndaǵy qaıǵy-qasiretti eske aldy. О́zderine kezek kelgende kýrsanttar ardagerge maıdan jáne halyq ánderin oryndap, ózderi shyǵarǵan óleńderdi oqyp berdi. Balalar ár ardagerge arnap óz qoldarymen ashyq hattar ázirlep, olardy Shymkent qalasynan Uly Otan soǵysyna qatysqan búkil ardagerge tartý etti. «Jas ulan» respýblıkalyq mektebiniń kýrsanttary Uly Otan soǵysynyń ardagerlerimen udaıy kezdesýler ótkizip, olardyń sharýashylyqtaryna kómek kórsetetinin aıta ketken jón. Sondaı-aq, qarttarmen áńgimelesip, túrli is-sharalar uıymdastyrady. Bul qundylyqtar – jasóspirim kezden beriletin qasıetter. О́ıtkeni, bolashaq áskerı qyzmetshiler soǵys batyrlaryn, olardyń jasaǵan erlikterin este saqtap, bilip júrýleri tıis jáne ótkenniń jaqsy dástúrin jalǵastyrýlary qajet. «Egemen-aqparat»