Qarashyǵanaqta 22 jumysshy ýlanyp, aýrýhanaǵa tústi

ORAL. 5 mamyr. Qarashyǵanaq kenishinde jumys isteıtin 22 adam ózderin jaısyz sezinip, dáriger kómegine júgingen. Bul týraly egemen.kz tilshisi habarlady. Nátıjesinde ýlanǵan 14 adam Bórli aýdandyq aýrýhanasyna jatqyzyldy. Segiz adam alǵashqy medısınalyq járdem alǵannan soń úılerine jiberildi. Jumysshylarǵa qoıylǵan dıagnoz – ótkir gastroenterokolıt. Batys Qazaqstan oblystyq tutynýshylar quqyǵyn qorǵaý departamenti basshysynyń orynbasary Altyn Orynǵalıevanyń aıtýynsha, ýlanǵan jumysshylardyń densaýlyǵy kúni búgin turaqty jáne mamandardyń tolyq baqylaýynda. Oqıǵanyń mán-jaıy men sebep-saldaryn anyqtaý úshin arnaıy komıssııa qurylyp, taldaý-tekserý jumystaryna kiristi. Aıta keteıik, óndiriste zardap shekken jumysshylardyń barlyǵy merdiger kompanııa – «BatysQýatQazaqstanServıs» jaýapkershiligi shekteýli seriktestiginde eńbek etedi. Temir Qusaıyn. Derek: egemen.kz. Foto: mygorod.kz.