Saıabaqqa aǵash otyrǵyzdy

О́ńirde ótkizilip jatqan «Aǵash otyrǵyz» ekologııalyq aksııa­syna «Qazhrom»TUK» AQ fılıaly – Aqtóbe ferroqorytpa zaýyty qorshaǵan ortany qorǵaý basqarmasynyń qyzmetkerleri bir kisideı atsalysyp, ózderiniń úlesterin qosýda. Ekologııalyq aılyq aıasynda uı­ym­dastyrylǵan shara barysynda olar Tuńǵysh Prezıdent N.Nazarbaev atyndaǵy Orta­lyq saıabaqqa ózderi­niń qara­jatyna satyp alynǵan 50 túp pıramıdalyq terek kóshe­tin otyrǵyzdy. Ortalyq saıa­baqqa ıgi­likti iske ózderiniń qoltańbasyn qal­dyrýǵa kelgen zaýyt­tyqtar biri kóshetterdi otyr­­ǵyzyp jatsa, endi biri otyr­ǵyzylǵan aǵashtar­dyń túbine sý quıyp, jumysty qyz­dy­ra tústi. Zaýyttyqtardyń qolymen otyr­­­ǵyzylǵan aǵashtar saıabaqta jaı­qalyp ósip, alyp báıterekke aınal­syn degen yrymmen al­qyzyl len­tany da baılaýdy umytqan joq. – Ekologııalyq másele bizdiń kom­­­panııada jalpy árdaıym bas­ty nazarda ustalady. Bizdiń zaýyt­ta aǵash otyrǵyzý jyl sa­ıyn júzege asyrylady. Aǵash egý – tazalyqtyń, jaqsylyqtyń ny­shany. Árbir azamat qorshaǵan ortany qorǵaý, taza ustaý, abattan­dyrý, kógaldandyrý isine úlken jaýapkershilikpen qaraǵany durys dep oılaımyn. Bul – barshaǵa or­taq is. Búgin, mine, metallýrgterdiń aty­­nan Ortalyq saıabaqqa aǵash otyr­ǵyzyp, qoltańbamyzdy qal­dyryp jatyrmyz. Bul shara jaq­sylyqtyń nyshany bolyp qana qoımaı, elimizdi kórkeıtýge, jasyl jelekke aınaldyrýǵa qosqan kish­kentaı ǵana úlesimiz dep bilemin, – dedi qorshaǵan ortany qorǵaý bas­qarmasynyń ınjener-ekology О́tegen Saparbergen.  Satybaldy SÁÝIRBAI, «Egemen Qazaqstan» Aqtóbe oblysy