Dzıýdoshy Albına Amangeldıeva Gran prı týrnıriniń fınalyna shyqty

ASTANA. 15 mamyr. Búgin Almatydaǵy Balýan Sholaq sport saraıynda dzıýdodan álemdik Gran prı týrnıriniń sońǵy úshinshi jarys kúni ótýde. Bul kúni erler arasynda 90, 100 jáne +100 kılo salmaq dárejesinde, al áıelder básekesinde 78, sondaı-aq, +78 kıloda jeńimpazdar anyqtalady. Bul týraly Qazaqstan dzıýdo federasııasynyń baspasóz qyzmetine silteme jasaǵan egemen.kz tilshisi habarlady. О́kinishke qaraı, 100 jáne +100 kıloda beldesken erlerimizdiń barlyǵy qarsylastaryna ese jiberip, júldesiz qaldy. Olardyń ishinde jankúıerler senim artqan Erjan Shynkeev (+100 kg), Rýslan Ábdirazaqov (+100 kg) syndy tájirıbeli palýandar da bar. Al 90 kıloda baq synaǵan jigitterimizdiń arasynda Dáýlethan Jaqypov qola medal úshin beldesýge múmkin aldy. Áıelder arasyndaǵy básekede 78 kıloda el namysyn qorǵaǵan Albına Amangeldıeva fınalǵa shyqty. Al tájirıbeli palýan qyzymyz Gúljan Isanova (+78 kg) qarsylasyna ese jiberip, júldeden qur qaldy. Úshinshi oryn úshin jáne fınaldyq básekeler jarys kúniniń keshki sessııasynda ótedi. Ol beldesýler saǵat 17:00-den bastap KazSport telearnasynda tikeleı efırde kórsetiledi. Aıta keteıik, alǵashqy eki jarys kúniniń qorytyndysy boıynsha Qazaqstan qorjynynda 1 – altyn, 2 – kúmis jáne 2 qola medal bar. Bul kórsetkishpen Qazaqstan quramasy jalpy esepte 2-orynda tur. Jalǵyz «altyndy» 48 kıloda beldesken palýan qyzymyz Galbadrah Otgonseseg alsa, erler básekesinde baq synaǵan Rýstam Ibraev (60 kg) pen Jansaı Smaǵulov (66 kg) kúmis medaldi moıyndaryna taqty. Al Eldos Jumaqanov (66 kg) pen Dıdar Hamza (73 kg) qola medalǵa qol jetkizdi. Taǵy bir eskere ketetin jaıt, Gran prı týrnırinde chempıon atanǵan palýanǵa – 300, al 2-oryn ıegerine – 180, qola júldegerge 120 upaı beriledi. Jalpy, bul saıysta álemniń 84 elinen kelgen 400-ge jýyq dzıýdoshy baq synaýda. Elaman Qońyr. Derek, foto: Qazaqstan dzıýdo federasııasynyń baspasóz qyzmeti.