«Astana» men «Ertis» bıylǵy maýsymda alǵash ret jeńildi

ASTANA. 15 mamyr. Búgin fýtboldan Qazaqstan premer-lıgasynyń 11-týry aıasynda tórt oıyn oınaldy. Al týrdyń eki kezdesýi keshe ótken bolatyn Bul týraly egemen.kz tilshisi habarlady. Týr barysyndaǵy eki birdeı matchtyń nátıjesi jankúıerlerdiń nazaryn erekshe aýdardy. Atap aıtqanda, maýsym bastalǵaly áli jeńilmeı, týrnır kestesinde kósh bastap kele jatqan «Astana» men «Ertis» búgin qarsylastaryna ese jiberip, osy maýsymdaǵy alǵashqy jeńilisterine ushyrady. Pavlodarlyqtar Almatyda jergilikti «Qaırattan» 0:1 esebimen jeńilse, elordalyqtar dál sondaı eseppen syrt alańda «Atyraýǵa» ese jiberdi. Alaıda, qos komanda da kósh basyndaǵy oryndaryn saqtap qaldy. Jalpy, atalǵan týrdaǵy barlyq oıynda esep ashylǵanyn atap ótken jón. Sonyń ishinde bir kezdesý teń eseppen aıaqtalsa, qalǵan bes kezdesýde jeńimpaz anyqtaldy. 11-týr oıyndarynyń nátıjeleri: 14 mamyr «Shahter» (Qaraǵandy) – «Aqtóbe» (Aqtóbe) 0:2 Goldar: Dıdar Jalmuqan 8, Toqtar Jańǵylyshbaı 38. «Taraz» (Taraz) – «Ordabasy» (Shymkent) 1:2 Goldar: Malık Mane 85 – Fılıpp Kasalısa 21, 29. 15 mamyr «Oqjetpes» (Kókshetaý) – «Tobyl» (Qostanaı) 1:1 Goldar: Serj Srepın Bando 16 – Sergeı Hıjnıchenko 88. «Aqjaıyq» (Oral) – «Jetisý» (Taldyqorǵan) 1:2 Goldar: Oleg Hromsov 80 – Marko Sımonovskı 3, Dýshan Savıch 90+1 (penaltı) «Atyraý» (Atyraý) – «Astana» (Astana) 1:0 Gol: Altynbek Saparov 22. «Qaırat» (Almaty) – «Ertis» (Pavlodar) 1:0 Gol: Isael da Sılva 22.

11-týr oıyndarynyń qorytyndysy boıynsha týrnır kestesi

Úzdik mergender:

1. Roman Murtazaev («Ertis») – 7 gol;
2. Gogıta Gogýa («Ertis») – 4 gol;
3. Azat Nurǵalıev («Ordabasy») – 4 gol,
4. Jerar Goý («Qaırat») – 4 gol.

12-týr oıyndary 21 mamyr kúni oınalady. Atalǵan týrdaǵy qarsylastar reti tómendegideı: «Aqtóbe» – «Taraz» «Astana» – «Ordabasy» «Jetisý» – «Shahter» «Ertis» – «Aqjaıyq» «Qaırat» – «Oqjetpes» «Tobyl» – «Atyraý». Elaman Qońyr. Derek: egemen.kz. Foto: vk.com.