Reseıde jańa qýatty qarýdyń synnan ótip jatqany belgili boldy

ASTANA. 15 mamyr. Reseı vıse-premeri Dmıtrıı Rogozın juma kúni prezıdent Vladımır Pýtınge qarýly kúshterde jańa qýatty qarýdyń synaqtan ótip jatqanyn málimdedi. Bul týraly RIA «Novostı» aqparyna silteme jasaǵan egemen.kz tilshisi habarlady. Úkimet basshysynyń orynbasary memleket basshysyna tehnıkalyq sıpattamasy jaǵynan yqtımal qarsylastar qarýlarynan asyp túsetin jańa qarýdy jasap shyǵarýǵa múmkindik beretin synaqtardyń júrip jatqanyn baıandady. Áńgime Reseı prezıdenti Vladımır Pýtınniń Sochıdegi «Bocharov bulaqtary» rezıdensııasynda áskerı qyzmetkerlermen keńes ótkizýi barysynda aıtyldy. Osy jıynda Vladımır Pýtın Reseıdiń álemdegi strategııalyq balanstyń saqtalýy men keń aýqymdy áskerı janjaldardyń oryn alýyna jol bermeý úshin barlyq kúshin salatynyn málimdedi. «Árıne, biz zardaptary jaǵynan planetanyń qaısybir otty núktesinde de oryn alyp jatqan janjaldarmen salystyrýǵa da kelmeıtin iri kólemdi áskerı janjaldardyń týyp ketpeýine kepildik beretin osy kúshterdiń strategııalyq balansyn qamtamasyz etý úshin qajetti nárseniń bárin qabyldaımyz. Biz, mine, osyǵan jol berip qoıa almaımyz jáne jol bermeımiz», - dedi Pýtın Sochıde áskerılermen ótkizgen keńesi barysynda. «Biz prezıdentke osy kúnderi óziniń tehnıkalyq sıpattamasy boıynsha tipti bizdiń yqtımal qarsylastarymyzdyń qarýlarynan da asyp túsetin qarýdy jasaýdy tezdetýge múmkindik beretin meılinshe qazirgi zamanǵy synaqtardyń ótip jatqany, sol synaqtar reglamentiniń ózgergeni týraly baıandap berdik», - dedi Rogozın jýrnalısterge. Talǵat Raıymbek. Derek, foto: RIA «Novostı».