Maqsatymyzǵa jumyla umtylatyn el ekenimizdi kórseteıik

Elbasy memlekettik organdar basshylary men óńir ákimderiniń qatysýymen ótken keńeste osylaı dedi

Memleket basshysy Nursultan Nazarbaevtyń  tóraǵa­ly­ǵy­men eldiń 2016 jylǵy 4 aıdaǵy áleýmettik-ekonomıkalyq damý qorytyndylaryna arnalǵan keńes ótti, dep habarlady Prezıdenttiń baspasóz qyzmeti. Ortalyq memlekettik organ­dardyń basshylary, oblys­tardyń jáne Astana men Almaty qalalarynyń ákimderi qatys­qan keńeste eldiń 4 aıdaǵy áleý­­­met­tik-ekonomıkalyq damý qory­tyndylary, negizgi mem­lekettik baǵdarlamalardy óńir­lerde júzege asyrý máseleleri, Táýel­sizdiktiń 25 jyldyǵyn mere­­ke­leýge daıyndyq barysy talqylandy. Memleket basshysy ekono­­­mı­ka­­daǵy qıyndyqtarǵa qara­mas­tan, eldiń óńdeýshi ónerká­sibinde ósim baıqa­lyp otyrǵanyn, aýyl sharýashylyǵynda kólem 2,6%-ǵa, kólik salasynda  4%-dan asa, qurylysta 6,5%-ǵa ulǵaıǵanyn atap ótti. – Eldiń toǵyz óńirinde óndi­­ris kóleminiń ósimi qam­ta­ma­syz etildi. Byltyr ınves­tı­sııalar ındýstrııalandyrý baǵdar­lama­synyń basymdyǵy bar sala­larynda, sonyń ishinde mashına jasaý óndirisinde 7 esege, tamaq ónerkásibinde 30%-ǵa, munaı óńdeý ónimderi óndirisinde 81%-ǵa ósti. Bul – atalǵan salalarǵa tikeleı shetel qarajatyn salýdyń nátıjesi. Jalpy, negizgi kapıtalǵa salynatyn ınvestısııalar el boıynsha 15%-ǵa artty. Bul ınvestorlar tarapynan múd­deli­liktiń  saqtalyp otyrǵanyn aıǵaqtaıtyn kórsetkish, – dedi Qazaqstan Prezıdenti. Nursultan Nazarbaev egis naýqany aıasynda eldiń aýyl sharýa­shylyǵy ónimin óndirý­shiler barlyq qajetti nársemen qam­tamasyz etilgenine, soǵan baı­lanysty bul salada jaqsy nátıjelerge úmit artýǵa bola­tynyna nazar aýdardy. Qazaqstan Prezıdenti áleý­met­tik saladaǵy oń kórset­kishterge de toqtaldy. – Biz jumyssyzdyqtyń artýyna jol bermeı, onyń deńgeıin burynǵy 5 paıyzdyq deńgeıde saqtaı aldyq. Bıýdjet túsimderiniń qysqarǵanyna qaramastan, men memlekettiń bar­lyq áleýmettik mindetteme­lerin oryndaýǵa naqty tapsyrma berdim. Halyq turmysynyń tómendeýi­­ne jol berýge bolmaıdy. Bul – bar­lyq deńgeıdegi memlekettik organ­dardyń negizgi mindeti. Biz bıyl bıýdjet salasy qyzmetkerleri­niń jalaqysyn bilim berý salasyn­da  – 29%-ǵa, densaýlyq saqtaý sala­­­synda – 28%-ǵa, ózge sal­a­lar­da 40%-ǵa kóterdik. Stýdent­ter­diń stıpendııalary, son­daı-aq, múgedektikke jáne asyraý­shysynan aıyrylýǵa baılanysty járdemaqy kólemi 25%-ǵa ulǵaı­dy. Shoǵyrlanǵan zeınetaqy tólem­deriniń kólemi 9%-ǵa kóterildi. Osynyń bári daǵdarysqa qarsy ýaqtyly qabyldanǵan sharalardyń nátıjesi bolyp tabylady, – dedi Nursultan Nazarbaev. Memleket basshysy Bes ıns­tı­týttyq reforma aıasynda qury­lymdyq ózgerister júrgizilip jatqanyn, olar ekonomıkanyń kez kelgen jahandyq syn-qaterge qarsy turý qabiletin nyǵaıtýǵa baǵyttalǵanyn aıtty. Nursultan Nazarbaev daǵda­rysqa qarsy sharalardyń mańyzdy bóligi ındýstrııalandyrý jáne «Nurly Jol» memlekettik baǵdar­lamalaryn júzege asyrý bolyp sanalatynyn aıtty.  – Indýstrııalandyrýdyń alty jylynyń qorytyndysy boıynsha barlyq óńirde 900-ge jýyq jańa kásiporyn iske qosyldy. Dál osy kásiporyndardyń jumysy ekonomıkamyzdyń qazirgi jaǵ­daıyna tirek boldy. Bul rette iske qosylǵan kásiporyndardyń bári birdeı jobalyq qýatyna jetken joq. Máselen, 21 joba toqtap tur, 13 joba problemaly nysan retinde tizimnen shyǵa­ryl­ǵan. Bıylǵy tórt aıdyń statıs­tıkasy ındýstrııalandyrý baǵdarlamasyn júzege asyrý nashar júrgizilip, ekono­mı­kany ártaraptandyrý isimen aınalyspaǵan jerde quldy­raý bolatynyn kórsetip otyr. Kemshilikterdi eskere oty­ryp, baǵdarlamany júzege asyrý qaǵı­dattaryn básekege qabi­­let­ti­lik, bıznes-modeldiń tıim­diligi men qarjy nátıjeliligi ólshemderi negizinde qaıta qaraý qajet. Qaı­tarymy bolatyn jobalardy ǵana qarjylandyrý kerek, – dedi Memleket basshysy. Qazaqstan Prezıdenti bıylǵy ekonomıkalyq saıasattyń ustyny «Nurly Jol» memlekettik baǵ­dar­­­lamasy bolǵanyna nazar aýdardy. – Ol óziniń áleýmettik sala­­ǵa baǵdarlanǵandyǵymen mańyz­dy. Biraq muny ákimderdiń bári birdeı túsinbegen sııaqty kóri­nedi. Baǵdarlamany júzege asyrý­ǵa qarjy bólý jóninde men aq­pan­da habarlaǵan bolatynmyn. Bıyl 840 mıllıard teńge bólý qaras­tyrylǵan, naýryzda qyzý jumys júrip jatýy tıis edi. Alaıda, búginde osy qarajattyń óńirlerge tek 8%-y túsken, – dedi Nursultan Nazarbaev. Memleket basshysy «Bıznes­t­iń jol kartasy-2020» baǵdar­lamasy aıasyndaǵy ınfra­qury­lymdyq jobalar qurylysy boıynsha jumystyń tıisti deń­geıde bastalmaǵanyna da nazar aýdardy. – «Jol kartasyna» baǵyt­tal­ǵan aqsha baspana, jol, aýrý­hana, sýmen qamtý nysandary qurylysy arqyly halyqqa qyz­met etýi jáne paıda ákelýi tıis, – dedi Qazaqstan Prezıdenti. Nursultan Nazarbaev 2015-2019 jyldarǵa arnalǵan «Nurly Jol», sondaı-aq, «Jumyspen qamtý­dyń jol kar­tasy-2020» baǵdarlamalaryn júzege asyrýǵa bóli­­netin qarajatty ýaqtyly jáne sapaly ıgerýdi qamtamasyz etýdiń mańyzdylyǵyna da toqtaldy. Budan bólek, oblystardyń, Astana men Almaty qalalarynyń ákimderine jumys oryndarynyń saqtalýyn, óndiristik kásiporyn­dardyń turaqty  jumysynyń qam­tamasyz etilýin jáne olar­dyń óndiretin ónimderiniń oblys­aralyq kooperasııa arqy­ly da jet­kizilýin qadaǵalaý tapsy­ryldy. Qazaqstan Prezıdenti 5 ma­myr­­­daǵy keńes barysynda ózi­niń birqatar mańyzdy tapsyrma bergenin eske saldy. – Men jer týraly zańnamanyń birqatar erejeleriniń iske asy­rylýyn toqtatý týraly jarlyqqa qol qoıdym. Tıisti komıssııa qury­lyp, óz jumysyn bastady. Onyń alǵashqy otyrysy zor rezonans týdyrdy. Komıssııa músheleri jer týraly zańnamany jetildirý jónindegi úılesim­di ustanymdaryn ázirleýge tıis. Jer úshin shynymen jany aýy­ratyndardyń bári óz sózin aıtýy kerek, – dedi Nursultan Nazarbaev. Osy oraıda Memleket bas­shysy oblystardyń, Astana men Almaty qalalarynyń ákimderine bul máseleni halyq arasynda túsindirý jumysyn belsendi túrde júrgizýdi tapsyrdy. Sondaı-aq, Nursultan Nazar­baev alda kele jatqan Táýel­­siz­diktiń 25 jyldyǵy qazaq­stan­dyqtarǵa jáne búkil álem­g­e  jetken jetistikterimizdi kórsetýde jaqsy múmkindik bere­tinin aıtty. – Elimizdiń jetistikterin baǵa­laı bilý qajet, bolashaq urpaq onymen maqtanýǵa tıis. Osy kezeńde bizge syrttan synaı qarap otyrǵandar kóp. Biz álem aldyn­da uıatqa qalmaı, kúrdeli máseleni syndarly únqatysý arqyly sheshe alatynymyzdy pash ete bilýimiz qajet. Alǵa qoıǵan maq­satyna jumyla umtylatyn el ekenimizdi kórsetýimiz kerek, – dedi Memleket basshysy.