Astanada quqyq buzýshylyqtardyń aldyn alý jáne jol qaýipsizdigin arttyrý baǵytynda beınebaqylaý júıesi aıtarlyqtaı keńeıtildi. Bir jyl ishinde qaladaǵy kameralar sany eki esege ósip, 60 myńǵa jetti, dep habarlaıdy Egemen.kz.
Bul týraly Premer-mınıstr Oljas Bektenovtiń tóraǵalyǵymen ótken vedomstvoaralyq komıssııa otyrysynda qala ákimi Jeńis Qasymbek málimdedi. Onyń aıtýynsha, elordada kólik júıesin damytýǵa arnalǵan keshendi baǵdarlama júzege asyrylyp jatyr.
Elordalyq júrgizýshilerge eskertý: Aqan seri kóshesinde qozǵalys shekteledi
Osy maqsatta jol qozǵalysyn tıimdi úılestirý úshin Biryńǵaı operator – jol qozǵalysyn uıymdastyrý ortalyǵy qurylǵan. Ol ıntellektýaldy kólik júıesi (ITS) arqyly qozǵalysty basqarýdy qamtamasyz etedi. Qazirgi tańda qaladaǵy 818 baǵdarshamnyń 582-si beıimdelgen, al bul jumysty tolyq aıaqtaý bıyl josparlanyp otyr.
Astanada qaı kósheler jabyq tur?
Sonymen qatar jańa baǵdarshamdar ornatylyp, beınebaqylaý ınfraqurylymy jańǵyrtylyp jatyr. Presight AI Ltd kompanııasymen birlesip júzege asyrylyp jatqan Smart City jobasy aıasynda jol qozǵalysy erejelerin avtomatty túrde tirkeıtin 1200 júıe iske qosylǵan. Barlyq kameralar biryńǵaı ahýal ortalyǵyna biriktiriledi.