Qazaqstannyń Eńbek Eri, Halyq jazýshysy, aqyn Muhtar Shahanovty sońǵy saparǵa shyǵaryp salý rásimderi Almaty qalasynda uıymdastyrylady. Qaraly jıyn men jerleý rásimderi 21 sáýir kúni ótedi, dep habarlaıdy Egemen.kz.
Aqynmen resmı qoshtasý 21 sáýir kúni saǵat 09:00-de bastalady. Qaraly jıynǵa zııaly qaýym ókilderi men qoshtasýǵa nıetti azamattar qatysa alady.
Memleket basshysy Muhtar Shahanovtyń otbasyna kóńil aıtý jedelhatyn joldady
О́tetin orny: Abaı atyndaǵy Qazaq ulttyq opera jáne balet teatry (Qabanbaı batyr kóshesi, 110).
Qoshtasý rásiminen keıin saǵat 11:30-da jerleý rásimi ótedi. Muhtar Shahanovtyń máıiti Almaty qalasyndaǵy «Keńsaı-2» zıratyna qoıylady.
Muhtar Shahanov qazaq rýhanııatynyń iri ókili, Jeltoqsan oqıǵasynyń aqıqatyn ashýǵa kúsh salǵan qoǵam qaıratkeri, memlekettik tildiń janashyry retinde el jadynda saqtalady.
Aıta keteıik, buǵan deıin aqynnyń jary Hanshaıym Shahanova Prezıdent Qasym-Jomart Toqaevqa hat joldap, ony Arystanbab kesenesinde jerleý týraly ótinish bildirgen edi.