ShYMKENT. 28 mamyr. Budan eki apta buryn iz-túzsiz joǵalyp ketken 18 jastaǵy Aıgerim Ospanbekovany óltirdi degen kúdikpen qamaýǵa alynǵan Álisher Arǵynbekovtiń janynda taǵy úsh adam bolǵan. Bul týraly Otyrar.kz aqparyna súıengen egemen.kz tilshisi habarlady.
Kúdiktiniń advokaty Aıgerim Ospanbekovanyń ólimine taǵy úsh adamnyń qatysty ekenin aıtyp otyr. Muny ol sottyń 18 jastaǵy stýdent qyzdy óltirdi degen aıyp taǵylýshyny ustaý sharasyn belgileýge arnalǵan otyrysynda jetkizdi.
Otyrys barysynda prokýror Aıgerimniń óltirilýine baılanysty oqıǵanyń jurt jaǵasyn ustatatyn jaqtaryn baıandap berdi.
«О́ziniń jeke kóligimen adam tasýmen aınalysýshy Álisher Arǵynbekov 10 mamyr kúni jolda kólik kútip turǵan qyzǵa nazar aýdarady. Ol sosyn qyzdyń janyna toqtaıdy. Shymkentke baratynyn bilgesin aparý quny 500 teńge ekenin aıtady. Osydan keıin qyzdy mingizip alǵan júrgizýshi oblys ortalyǵyna qaraı júrip ketedi. Bul kezde kólikte tergeý kim ekenderin áli anyqtaı qoımaǵan taǵy úsh jolaýshy bar eken. Olar Saryaǵash aýdanynyń terrıtorııasynda túsedi. Taksıshi budan ári Ospanbekovanyń bir ózin Shymkentke alyp ketedi. Saǵat 17:30-da Shymkentte, «Arǵymaq» avtobazaryna jaqyn jerde Arǵynbekov Ospanbekovamen ursysyp qalady. Osydan keıin ol kóligin joldyń jıegine toqtatyp, otvertkasyn alyp, artqy oryndyqta otyrǵan Ospanbekovany keýde jáne qaryn tusynan birneshe ret urady. Sosyn onyń qolynan quny 50 000 teńge turatyn Samsung Galaxy G5 markaly telefony men 8 500 teńge aqshasyn alady. Sodan soń Arǵynbekov rýlge otyryp, Saryaǵash aýdany jaqqa qaraı júredi. Qazyǵurt kentindegi Qonaev kóshesine kelgeninde, kómek surap aıǵaılaı bastaǵan Ospanbekovanyń aýzyn jaýyp tastaý úshin eki qabatty «Almas» dúkeninen skotch satyp alady. Sosyn ońtústik baǵytta qaraı júrip kelip, «Bógetbaı ata» elektronıka magazıni janyna toqtap, artqy oryndyqqa otyryp, Ospanbekovanyń aýzyn skotchpen jaýyp, eki qoly men aıaǵyn artqa qaıyryp baılaıdy. Sosyn sýmkasynyń belbeýimen qyzdy tunshyqtyryp óltiredi. Sodan keıin dala jaqqa shyǵyp ketedi. Aınalada eshkim joq ekenin baıqaǵasyn, óli deneni jerge kómip tastaıdy», - dedi prokýror.
«Meniń qorǵaýymdaǵy adam tergeýge basynan ólimge qatysty taǵy úsh jas jigittiń bolǵanyn málimdedi. Olar júrgizýshige aqshalaryn tólemeı, kólikten shyqqan da, qyzdyń telefonyn alyp bere salǵan. Sosyn aqshalaryn ákep bergesin, telefondy alatyndaryn aıtqan. Biraq sol kúıi kelmeı ketken. Qazir osy telefonnyń meniń qorǵaýymdaǵy adamnyń qolynan tabylýyna baılanysty aıyptaýlar jasalyp jatyr. Aıyptalýshy jas jigitterdiń aty-jónderin ǵana emes, tipti týǵan jyldaryn da aıtyp bergenine qaramastan, tergeý osy kezge deıin áli bir ret te belgisiz úsheýdi izdestirýdiń sharasyn qoldanbaı otyr», - dedi advokat.
Biraq qorǵaýshy belgisiz jas jigitterdiń kimder ekenderin ashyp aıtpady.
Eske sala keteıik, 25 jastaǵy Álisher Arǵynbekov Shymkent qalasy ál-Farabı aýdandyq sotynyń sheshimi boıynsha stýdent Aıgerim Ospanbekovanyń ólimine aıypty retinde qamaýǵa alyndy. Qyz 10 mamyr kúni Saryaǵash aýdanynan Shymkentke jolǵa shyqqannan keıin joǵalyp ketti. Ol týra eki apta ótkennen keıin óli kúıinde tabyldy.
Polısııa Álisher Arǵynbekovti Jańa jol aýylynda qolǵa túsirdi. Onyń otbasy, ata-anasy, áıeli jáne eki kishkentaı balasy bar kórinedi.
Sot taraptardy tyńdaı kelip, kúdiktige ázirge eki aı merzimge qamaý túrinde shara kórýge sheshim shyǵardy.
«Aıyptalýshy, bul sot otyrysynda sizdiń qylmysqa qatysyńyzdyń bar-joqtyǵy anyqtalmaıdy. Qazir tek sizdi ustaýǵa qatysty qoldaný sharasy ǵana belgilenedi. Sizge 20 jyl túrmede otyrý nemese ómirlik jazaǵa kesilý túrindegi aıryqsha aýyr qylmys aıyby taǵylatyn bolǵandyqtan, kepilmen shyǵarý máselesi qaralmaıdy. Úıqamaq jaıyna kelsek, sot sizdiń jaǵdaıyńyzda ony qoldaný múmkin emes dep tapty. Eger sizder buǵan kelispeıtin bolsańyzdar, úsh kúnniń ishinde óz betińizshe nemese advokatyńyz arqyly shaǵym bere alasyz», - dedi sýdıa.
Baqtııar Taıjan.
Derek, foto: Otyrar.kz.