ORAL. 28 mamyr. Batys Qazaqstan oblysy, Terekti aýdanynyń burynǵy ákimi Jeńis Serikqalıev kisi óltirýge áreket jasady degen kúdikpen qamaýǵa alyndy. Bul týraly «Moı gorod» portalynyń deregine súıengen egemen.kz tilshisi habarlady.
Internet-portal habarlaǵandaı, osy is boıynsha Batys Qazaqstan oblysy, Terekti aýdanynyń burynǵy ákimi Jeńis Serikqalıevten basqa taǵy eki adam ustalǵan. Olar bıylǵy aqpan aıynda bir áıeldi óltirýge áreket jasaǵandary úshin tutqyndalyp otyr. Keıbir derekterge qaraǵanda, ol Serikqalıevtiń kóńildesi kórinedi. Biraq áıel áýpirimmen tiri qalyp, keıin óziniń ómirine balta shappaq bolǵandardyń kimder ekenderin aıtyp bergen.
Ázirge quqyq qorǵaý organdary atalmysh oqıǵaǵa baılanysty túsindirme bermegen. Biraq kúdiktilerdiń «Kisi óltirýge áreket etý» baby boıynsha tekserý júrip jatqany belgili boldy.
Búgin tańerteń Batys Qazaqstan oblysynyń ákimi Altaı Kólginov Terekti aýdanynyń aktıvine aýdannyń jańa ákimi Murat Muqaevty tanystyrdy. Sol kezde aýdandy 2013 jyldan basqaryp kelgen Jeńis Serikqalıevtiń óz ótinishi boıynsha qyzmetinen bosaǵany belgili boldy.
Temir Qusaıyn.
Derek: Moı gorod.