Birlikten asqan baqyt joq

Keshe Qazaqstan Respýblıkasynyń Tuńǵysh Prezıdenti – Elbasy kitaphanasynda «Qazaqstandyq birtektilik jáne jalpyulttyq birlik taǵylymy» taqyrybynda dóńgelek ústel májilisi ótti. Otyrysty ashyp, onyń mode­ra­torlyǵyn atqarǵan Qazaq­stan Respýblıkasynyń Tuńǵysh Pre­zı­denti – Elbasy kitaphanasy dı­rek­torynyń orynbasary Jap­sarbaı Qýanyshev bes ınstıtýt­tyq reformany júzege asyrý jó­nin­degi «100 naqty qadam» Ult Jos­­parynda belgilengen mindet­ter­di sheshý aıasynda ózekti máse­le­lerdi talqylaý, tájirıbe almasý baǵy­tynda byltyrǵy jyly bir­qatar jumystar júrgizilgenin aıta kele, alǵashqy sóz kezegin QHA ka­fed­ralary qaýymdastyǵynyń tór­aıy­my Mahabbat Qozybaevaǵa berdi. «Jastardyń boıyna Otanǵa degen súıispenshilik, adam boıyndaǵy asyl qasıet – patrıottyq sezimdi qalyptastyrýda Qazaqstan hal­qy Assambleıasynyń negizgi qaǵıda­ty­nyń mańyzy óte zor», degen sheshen JOO-lar aıasynda qurylǵan QHA kafedralary atqarǵan jumys­tardy sanamalap, olardyń máni men mazmunyna toqtalyp, qazaq­stan­dyq birtektilikti teorııalyq jáne ádistemelik turǵydan zert­teýdiń keshendi qolǵa alynyp jatqanyn alǵa tartty. Al L.N.Gý­mılev atyndaǵy Eýrazııa ulttyq ýnıversıteti QHA kafedrasynyń meńgerýshisi, ekonomıka ǵylym­dary­nyń doktory Anatolıı Bash­ma­kovtyń sózi qazaqstandyq birtek­tilikti qalyptastyrýdyń tarıhı jáne rýhanı faktory tóńireginde órbidi. Sheshen óziniń ustazdyq qyz­metinde Nazarbaev Ýnıversıtette jıi bolatynyn, ondaǵy jastarǵa tálim berýshi muǵalimderdiń 90 paıyzynyń sheteldikter ekenin, olar úshin qazaqstandyq patrıotızmnen góri, maman daıarlap shyǵýdyń mańyzdy ekenin aıtyp, ne ekseń, sony orasyń degendeı, bizder úshin bilikti maman ǵana emes, Otanyn janyna ottan da ystyq kóretin azamattar qatarynyń molaıýy mańyzdy. Jalpy, birtektilik degenniń ǵylymı anyqtamasy 30 shaqty, al meniń uǵymymda ár­bir qazaqstandyq óziniń etnostyq erek­sheligine, dinı seniminiń ózgeshe­ligine, ıdeologııalyq kózqarasynyń qaıshylyǵyna qaramastan, «Men Qazaqstan azamatymyn, meniń Otanym – Qazaqstan, onyń barlyq qyzy­ǵy men shyjyǵy, ıgiligi men qa­telikteri de meniki» degen oıdyń bolmysqa dendep enýinde deı­min. Ultym orys, bitimim qazaq­qa uqsamaı tursa da, meniń dilim­niń deni qazaqqa aınalǵan. Meniń otbasymnyń kúndelikti turmy­synyń qazaq otbasynan aıyrma­shy­lyǵy az. Soǵym soımasa, qystan shyǵa almaıtyndaı kóretin qazaqy bol­mysqa aınalǵan, dedi. Qazaqstan Prezıdenti ja­nyn­daǵy Memlekettik basqarý akademııasy Ortalyq Azııa óńirindegi etnosaralyq jáne konfessııaaralyq qatynastardy zertteý ortaly­ǵynyń basshysy Aıgúl Sádýaqasova birtektilik pen birlikti nyǵaıtý jónindegi memlekettik saıasat tó­ńireginde oılarymen bólis­se, ǵy­lym doktory Ǵazız Telebaev bir­tek­­ti­liktiń qalyptasý erekshe­lik­terine qatysty paıymdaryn ortaǵa saldy. Al atalǵan sharany Qazaqstan Respýblıkasynyń Tuń­ǵysh Prezıdenti – Elbasy kitap­hanasy Prezıdent janyndaǵy «Qo­ǵamdyq kelisim» RMM men QHA kafedralary qaýymdastyǵymen birigip ótkizdi. Otyrys sońy baıandamalardy talqylaýǵa, pikir alysýǵa ulasyp, jınalǵandar tájirıbe almasýdy óristete túsý qajet degen toqtammen tarasty. Qazaq­stan Respýblıkasynyń Tuńǵysh Prezı­denti – Elbasy kitapha­nasy dı­rektorynyń orynbasary Japsar­baı Qýanyshev jınalǵan­dardy keleli oıdy jarasymymen ja­rystyrǵan, qoǵamnyń tutastyǵyn basty ustanym etken jandardyń árbir basqosýy osylaı ótýi tıis, sizderdiń bárińizge tabys tileımin, dep alǵysyn jetkizdi. Anar TО́LEÝHANQYZY, «Egemen Qazaqstan»