Áleýmettik jelilerde Konstıtýsııanyń jańa redaksııasy jobasynyń 27-baby 4-tarmaǵyndaǵy demalys quqyǵyna qatysty tujyrymdamada «demalys» sóziniń aldynda «jyl saıynǵy» sózi alynyp tastalǵany jóninde aqparat taralyp jatyr. Jekelegen jarııalanymdarda bul ózgeris qyzmetkerlerdiń quqyqtaryn shekteýge negiz bolady degen pikirler keltirilgen. Osyǵan baılanysty Eńbek jáne halyqty áleýmettik qorǵaý mınıstrligi atalǵan aqparattyń shyndyqqa janaspaıtynyn málimdedi, dep habarlaıdy Egemen.kz.
Konstıtýsııa − quqyqtar men bostandyqtardyń negizgi qaǵıdattary men kepildikterin bekitetin, olardyń irgeli sıpatyn aıqyndaıtyn joǵary zańdyq kúshi bar akt. Quqyqtardy iske asyrýdyń naqty mazmuny men tetikteri salalyq zańnamada aıqyndalady.
«27-baptyń jobasynda demalys quqyǵy zańmen kepildik beriletin áleýmettik quqyq retinde bekitiledi. Demalys − osy quqyqty júzege asyrý nysandarynyń biri. Onyń uzaqtyǵy, kezeńdiligi, berilý tártibi jáne ózge de sharttary eńbek zańnamasymen retteledi. Eńbek kodeksi jyl saıynǵy aqy tólenetin eńbek demalysyn tikeleı kózdeıdi, onyń eń tómengi uzaqtyǵyn, berilý tártibin, sondaı-aq demalys bermeýge tyıym salýdy belgileıdi», delingen Eńbek jáne halyqty áleýmettik qorǵaý mınıstrliginiń habarlamasynda.
Sonymen qatar, Eńbek kodeksinde «demalys» uǵymy onyń ártúrli túrlerin, atap aıtqanda, jyl saıynǵy aqy tólenetin eńbek demalysyn, áleýmettik demalystardy jáne zańnamada kózdelgen ózge de demalys túrlerin qamtıdy.
«Osyǵan baılanysty jobada usynylǵan redaksııa zań tehnıkasy turǵysynan neǵurlym dál jáne jınaqy jasalǵan. Bul rette demalys quqyǵy memleket tarapynan kepildik berilgen quqyq retinde saqtalady. Atalǵan normalar qoldanysta qalady jáne Konstıtýsııanyń jańa redaksııasynyń jobasyna qaıshy kelmeıdi», delingen atalǵan mınıstrliktiń málimetinde.
Jańa Konstıtýsııa jobasynda advokatýra mártebesiniń bekitilýi qandaı mańyzǵa ıe?
Konstıtýsııalyq normanyń jańartylǵan redaksııasy jyl saıynǵy aqy tólenetin eńbek demalysynyń kúshin joımaıdy jáne eńbek zańnamasy avtomatty túrde ózgermeıdi.
Adam kapıtaly – Konstıtýsııa jobasynyń basymdyǵy
Vedomstvo azamattardy tek resmı aqparat kózderine súıenýge jáne negizsiz qorytyndylardy taratýdan tartynýǵa shaqyrdy.
Qazaqstanda avtobýstar jańa Konstıtýsııa jobasy týraly aqparat taratý alańyna aınaldy