Shyǵys Qazaqstan oblysy Katonqaraǵaı aýdandyq polısııa bóliminiń kezekshi bólimine aýdan aýmaǵynda esirtkiniń zańsyz saqtalýy týraly jedel aqparat túsken. Quzyrly organ habarlamany tekserip, atalǵan mekenjaıda esirtki saqtaǵan turǵyndy ustady, dep jazady Egemen.kz.
Jedel-izdestirý is-sharalary barysynda jer úı men onyń irgeles aýmaǵyn tekserý kezinde sharýashylyq qurylystarynyń birinen jasyryn oryn anyqtaldy.
Polısııa qyzmetkerleri bastyrma astyndaǵy as úı oryndyǵynyń ishinen úsh polımerli paketti tapqan. Paketterdiń ishinde erekshe ıisi bar, qońyr-jasyl tústi ósimdik tektes zat bolǵan. Sonymen qatar basqa úı-jaıdan esirtkini qoldanýǵa arnalǵan qurylǵylar tabylyp, tárkilengen.
Qaraǵandyda esirtki taratqan kásipker sottaldy
«Saraptama qorytyndysyna sáıkes, tárkilengen zattyń jalpy salmaǵy 1,7 keliden asatyn keptirilgen marıhýana ekeni belgili boldy. Bul kórsetkish esirtki zattarynyń asa iri mólsherine jatady», delingen Ishki ister mınıstrligi taratqan habarlamada.
Almatyda jasyrylǵan esirtki zerthanasy áshkerelendi