Sharaına

Eń myqty ekonomıka mártebesin joǵaltty AQSh ekonomıkasy birinshi orynnan úshinshi orynǵa syrǵyp, álemdegi básekege asa qabiletti ekonomıka mártebesinen aıyryldy. Reıtıngti ádettegideı Shveısarııanyń basqarý ınstıtýty túzgen. Sóıtip, birinshi orynǵa Gonkong kóterildi. Ekinshi orynǵa Shveısarııa turaqtady. Buǵan deıin úshinshi orynda turǵan Sıngapýr bir pozısııasyn joǵaltyp, tórtinshi orynǵa tómendedi. Alǵashqy ondyqqa, sonymen qatar, Shvesııa, Danııa, Irlandııa, Nıderland, Norvegııa jáne Kanada enip otyr. Reseı sońǵy jylda reıtıngte bir saty joǵarylap, 44-shi orynǵa ornyqqan kórinedi. Uıym ustanymyn buzdy dep aıyptady Brazılııa, Japonııa, Eýroodaq jáne DSU-nyń basqa da músheleri AQSh-ty uıymda qalyptasqan pikirtalas qaǵıdattaryn buzyp, órkókirek ustanym tanytyp otyr dep aıyptady. Mundaı málimdeme amerıkalyqtardyń ońtústikkoreıalyq sýdıa Chan Son Hvany jańa merzimge bekitýden bas tartýymen baılanystyrylyp otyr. Al keshe atalǵan sýdıanyń tórt jyldyq jumys merzimi aıaqtalǵan edi. Amerıkalyqtardyń paıymynsha, Chan birneshe márte «abstraktili» sheshim qabyldaǵan. AQSh ókilderi «apellıasııalyq organ – akademııalyq ınstıtýt emes» dep málimdep otyrsa kerek. Alıanstyń shyǵynyna Reseıdi kinálaıdy NATO-ǵa múshe Eýropa elderiniń qorǵanysqa shyǵyndary ústimizdegi jyly alǵash ret sońǵy 10 jylda Reseı agressııasynyń jáne kóshi-qon daǵdarysynyń saldarynan ósetin bolady. Bul týraly Soltústik Atlantıka alıansynyń bas hatshysy Iens Stoltenberg málimdedi. NATO-nyń bas hatshysy naqty sandardy atamaǵan. Biraq 2016 jyly alıansqa múshe Eýropa elderi qorǵanys salasyna 253 mıllıard dollar shyǵyndaǵanyn kóldeneń tartqan. Al AQSh-tyń bir ózi 618 mıllıard dollar jumsaǵan kórinedi. Eýropada eń kóp aqsha shyǵyndaǵan Baltyq jaǵalaýy elderi delinip otyr. Atap aıtqanda, Latvııa áskerı bıýdjetin 60 paıyzǵa, Lıtva 35 paıyzǵa, Estonııa 9 paıyzǵa ulǵaıtypty. Qysqa qaıyryp aıtqanda: Halyqaralyq fýtbol federasııasynyń (FIFA) nusqasy boıynsha HH ǵasyrdyń eń úzdik oıynshysy Pele óziniń sońǵy 60 jyl boıy alǵan sporttyq jáne eskertkish nagradalarynyń bárin aýksıonǵa shyǵarýǵa sheshim qabyldaǵan. Marapattardyń eń qundysy, árıne, 1958, 1962, 1970 jyldardaǵy álem chempıonat­tarynyń altyn medali. Japonııanyń ıakýdza qylmystyq toptary basshylarynyń biri «Kobe Iаmagýtı-gýmı» Okaıama prefektýrasynda óltirilgen. Polı­sııanyń málimetterine qaraǵanda, 55 jastaǵy mafıozo Tadası Takagı atalǵan qaladaǵy saıabaqtardyń birinde atyp óltirilipti. Bul – baqtalas qylmystyq toptardyń arasyndaǵy dushpandyqtyń kórinisi. Sanktpeterbýrgtik depýtattar qaladaǵy kópirlerdiń birine Cheshenstannyń tuńǵysh prezıdenti Ahmat Qadyrovtyń esimin berýge qarsy qol jınaýdy josparlap otyr eken. «Biz qolymyzdy sońǵy sheshim qabyldaýy tıis bolatyn qala gýbernatoryna arnap jınaımyz», deıdi depýtattardyń biri Olga Galkına. Ispanııanyń Palma-de-Malorka kýrortty qalasynyń turǵyndary týrısterdiń tasqynyna múldem narazy. Olar demalýshylardan qalaǵa tym jaqyndap ketpeýlerin ótinipti. Mundaı ótinishterin olar úıleriniń qabyrǵalaryna jaza bastaǵan. Bir jazý bylaı deıdi: «Sheteldik týrıster, joǵalyńdar!». Taǵy bireýi bylaı dep jazypty: «Bosqyndar, qosh keldińizder!». Avstralııalyq adam quqyn qorǵaýshylar ústimizdegi jyly qansha adamnyń quldyqta júrgenin eseptep shyǵarypty. Maman­dardyń derekterine qaraǵanda, búginde quldyqta 45,8 mıllıon adam júr eken. Bul – osydan eki jyl burynǵydan 10 mıllıon adamǵa kóp. Quldarǵa erkinen tys jumys istep júrgender jatqyzylypty. Reseı premer-mınıstri Dmıtrıı Medvedev Máskeýdiń tórtinshi halyqaralyq áýejaıyn saltanatty jaǵdaıda ashqan. Ol – Jýkovskıı dep atalady. Qyrǵyzstannyń «Eır Kyrgyzstan» áýe kompanııasy jańa áýejaıǵa turaqty reıs oryndaýdy bastaıtyn alǵashqy halyqaralyq avıakompanııalardyń biri bolyp tabylmaq. Qytaıdyń ońtústik-shyǵysyndaǵy Hýnan provınsııasynda álemdegi eń uzyn shyny kópirdiń qurylysy aıaqtaldy. Nysan Tıanmenshan ulttyq saıabaǵyndaǵy 300 metr bıiktiktegi Chjanszıasze shatqalynyń ústine ornatylǵan. Onyń uzyndyǵy – 393 metr, eni – 6 metr. Edeni shyny kópir bir mezgilde 800 adamdy kótere alady. Reseı men Qytaı qatynasyndaǵy serpilis Reseı men Qytaıdyń strategııalyq seriktestigi jaqyn arada jańa qýatty serpin alýy tıis. Mundaı kózqarasty Reseı syrtqy ister mınıstri Sergeı Lavrov bildirdi. Reseı prezıdenti Vladımır Pýtınniń aldaǵy Qytaıǵa sapary eki el arasyndaǵy kópqyrly strategııalyq seriktestik qarym-qatynasyna sony serpin beretinine senimdimin, deıdi S.Lavrov. Ol bul pikirin «Reseı jáne Qytaı: ekijaqty qarym-qatynastyń jańa sapasyna» dep atalatyn halyqaralyq konferensııada sóz sóılegen kezinde bildirdi. Al sharany Reseıdiń halyqaralyq ister jónindegi keńesi uıymdastyrǵan bolatyn. Koreıalyq sheneýniktiń kútilmegen sapary Soltústik Koreıa Eńbek partııasy tóraǵasynyń orynbasary Rı Sý En Qytaıǵa kútilmegen saparmen barǵan. Sapar Phenıan men Beıjiń arasyndaǵy «toqyraýǵa ushyraǵan» qarym-qatynasqa «jan bitirýdi» kózdeıdi delinip otyr. Dıplomatııalyq toptardaǵy derekter Rı Sý Enniń Qytaı saıasatkerlerimen kezdesý nıeti bar ekenin aıtady. Soltústikkoreıalyq joǵary laýazymdy sheneýnik kúni keshege deıin eldiń syrtqy ister mınıstri qyzmetin atqarypty. Mamyr aıynyń basynda ótken partııa sezinde burynǵy dıplomat Eńbek partııasy tóraǵasynyń orynbasarlyǵyna saılanǵan. Bul – joǵary laýazymdy soltústikkoreıalyq sheneýniktiń Qytaıǵa alǵashqy sapary. «Gazprommen» kelisimshartty uzartpaıdy Polsha «Gazprommen» jasalǵan uzaq merzimdi, ıaǵnı 2022 jylǵa deıin­gi kelisimshartty uzartýdan bas tart­paq nıetinde. Bul týraly Polsha úki­metinde strategııalyq energetıkalyq ınfra­qurylymdardy damytý máselelerimen aı­nalysatyn ókil Petr Naımskı málimdegen. «Biz uzaq merzimdi kelisimshart ótkenniń isine aınalatyn jaǵdaıǵa umtylýymyz kerek. Eger Reseı gazynyń baǵasy aıtarlyqtaı básekege qabiletti bolatyn bolsa, biz ony belgili bir deńgeıde jáne uzaq merzimdi kelisimshart aıasynan tys satyp alatynymyzdy joqqa shyǵarmaımyz», – deıdi P.Naımskı. Qoldanystaǵy kelisimshart boıynsha Reseı Polshaǵa jyl saıyn 2022 jylǵa deıin «tóle de ala ber» sharty boıynsha 10,2 mıllıard tekshe metr gaz satatyn bolady. Internet materıaldary negizinde ázirlendi