Aqsý qalasynda Pavlodar oblysynyń ákimi Asaıyn Baıhanov óńir jastarymen kezdesý ótkizdi. Dıalog Eýrazııalyq energetıkalyq korporasııa alańynda ótip, adam kapıtalyn damytý, memlekettiń áleýmettik bastamalaryn iske asyrý jáne jańa Konstıtýsııa jobasyn talqylaýdaǵy jastardyń róli máselelerine arnaldy, dep habarlaıdy Egemen.kz.
Eurasian Resources Group quramyna kiretin kásiporyn Aqsý MAES stansııasy men «Shyǵys» kenishin biriktiredi. Ol Qazaqstandaǵy eń iri kómir men elektr energııasyn jetkizýshilerdiń biri. Munda 4,5 myńnan astam adam eńbek etedi jáne ujymnyń edáýir bóligin jas mamandar quraıdy. Eń aldymen óńir basshysy nazaryn solarǵa aýdardy.
Kezdesýdi ashqan Asaıyn Baıhanov jańa Konstıtýsııa jobasynyń negizgi qaǵıdasy − adamdy, onyń ómiri, quqyqtary men bostandyqtaryn memlekettiń eń joǵary qundylyǵy dep taný ekenin atap ótti.
«Jańa Konstıtýsııa adamdy, onyń ómiri, quqyqtary men bostandyqtaryn memlekettiń eń joǵary qundylyǵy dep tanýǵa negizdelgen. Bul degenimiz − basty nazarda jastar, ıaǵnı sizdersizder. Eldiń Jańa zańy boıynsha ómir súrip, bolashaqty quratyn da − sizder. Erteńgi kúnniń berik negizi óz qoldaryńyzda», dedi oblys ákimi.
О́ńir basshysy memlekettiń mindeti − damý úshin jaǵdaı jasaý, al jastardyń mindeti − sol múmkindikterdi paıdalanyp, bilim alý, kásibıligin shyńdaý jáne óz isine jaýapkershilikpen qaraý ekenin erekshe atap ótti.
Aqtaýda «MýzART» tobynyń qatysýymen jańa Konstıtýsııany qoldaýǵa arnalǵan forým ótti
О́ńir basshysy oblysta jalpy somasy 7,3 trln teńgege 107 ınvestısııalyq joba belsendi júzege asyrylyp jatqanyn atap ótti. Olardy iske qosý 16 myńnan astam jańa jumys ornyn ashýǵa múmkindik beredi. Sonymen qatar áleýmettik ınfraqurylymdy damytý, aýmaqtardy abattandyrý jáne jaıly qalalyq orta qalyptastyrý jumystary da júrgizilip jatyr.
Kezdesý barysynda adam kapıtalyn damytýǵa erekshe kóńil bólindi. О́ńirde shamamen 750 myń adam turady jáne halyqtyń eleýli bóligin jastar quraıdy. 100-den astam iri kásiporyn jas mamandardy jumysqa qabyldaýǵa daıyn. Bilim berý jáne tájirıbege baǵyttalǵan 50-den astam baǵdarlama, 20-dan astam startap-baǵdarlama júzege asyrylyp jatyr, IT-hab jumys istep tur, sporttyq, mádenı jáne qoǵamdyq bastamalarǵa qatysýǵa arnalǵan 30-dan astam platforma bar.
«Bizdiń óńirdiń ereksheligi − qýatty ónerkásiptik áleýet pen bilim berý júıesi tyǵyz baılanysta jumys isteıdi. Bul − naǵyz múmkindikter mekeni. Myqty óńirdi múmkindikterdi kóre biletin jáne jaýapkershilikten qoryqpaıtyn myqty adamdar qalyptastyrady», dep atap ótti ákim.
Dıalog barysynda jastar ókilderi óńirdi damytý perspektıvalary jáne aldaǵy referendýmnyń mańyzy týraly óz pikirlerin ortaǵa saldy.
Referendým jáne jańa Konstıtýsııa: Halyq kóp jınalatyn oryndarda aqparattyq jumys jandandy
AES jylý avtomatıkasy jáne ólsheý sehynyń 3-razrıadty elektr slesari Álıhan Aýshaıhov daýys berýge qatysatynyn aıtty.
«Elimizdiń bolashaǵy bizdiń tańdaýymyzǵa baılanysty. Biz ózimizge jaýapkershilik alýǵa jáne óńirimiz ben Qazaqstannyń damýyna úles qosýǵa daıynbyz», dedi ol.
AES jóndeý-mehanıkalyq sehynyń tehnıgi Rysgúl Altynbekova kásibı eńbek joly men jalpy eńbek ótili 100 jyldan asatyn óziniń energetıkter áýleti týraly aıtty.
«Adal eńbektiń jáne turaqty jumystyń arqasynda, elektr stansııasy usynǵan múmkindikti paıdalanyp, biz jeńildetilgen nesıe baǵdarlamasy boıynsha jańa páterge qol jetkizdik. Bul − eńbek adamyna kórsetilgen qoldaýdyń naqty nátıjesi», dedi ol.
Kezdesýge qatysqan ózge de ınjenerler, óndiristik bólimshelerdiń jumysshylary, jastar uıymdary men bilim berý júıesiniń ókilderi azamattyq ustanymnyń, referendýmǵa qatysýdyń jáne el bolashaǵyna sanaly kózqaraspen qaraýdyń mańyzyn atap ótti. О́z sózderinde olar áleýmettik ádilettilik, zań ústemdigi, eńbek adamyn qoldaý, ekologııalyq jaýapkershilikti damytý jáne usynylǵan ózgeristerdiń negizgi baǵyttary retinde memlekettilikti nyǵaıtý týraly aıtty.
Bıbigúl Jeksenbaı: Konstıtýsııany talqylaý – qoǵamnyń ortaq jaýapkershiligi
Kezdesý sońynda Asaıyn Baıhanov jastardy 15 naýryzda ótetin referendýmǵa jaýapkershilikpen qatysýǵa shaqyryp, óńirdiń bolashaǵy − onyń barlyq turǵyndarynyń ortaq isi ekenin atap ótti.
«Referendýmǵa qatysý arqyly árkim óziniń azamattyq ustanymyn bildire alady. Tańdaǵan joldaryńyzdan taımaı, jańa belesterdi baǵyndyryńyzdar. Pavlodar Ertis óńiriniń damýyna úles qosyp jatqan árbir azamatqa alǵys aıtamyn», dep túıindedi óńir basshysy.