Semeıde burynǵy erli-zaıyptylar ajyrasqannan keıin tórt balasynyń kimniń tárbıesinde bolatyny jóninde bir-birimen kelise almaı, sotqa júgingen edi. Endi olar bir sheshimge kelip otyr. Shyǵys Qazaqstan oblysynyń №2 kámeletke tolmaǵandar isi jónindegi mamandandyrylǵan aýdanaralyq sotynyń habarlaýynsha, qyzdar – sheshesimen, uldar ákesimen qalatyn boldy. Jasóspirimder soty sot otyrysyna daıyndyq barysynda taraptardyń medıasııa jolymen ózara kelisimge kelgenin habarlady.
Nátıjesinde, burynǵy erli-zaıypty jandar qyzdardy – anasyna, uldardy ákesine qaldyrý jóninde sheshim qabyldaýǵa kelisken. Osyǵan baılanysty, ata-analar balalardyń bir-birimen aralasýyna shekteý qoımaýǵa kelisip, alıment tólemderinen de bosatyldy.
Dýman ANASh,
«Egemen Qazaqstan»
SEMEI