Kóktemgi egin egý jáne jınaý jumystaryna qansha qarjy bólinedi?

2026 jylǵa arnalǵan egis alqaptarynyń boljamdy qurylymy bekitildi. Jalpy egis kólemi 23,8 mln gektardy quraıdy. Bul – ótken jylmen salystyrǵanda 180 myń gektarǵa artyq.

Egis qurylymy bıdaı alqaptaryn qysqartyp, tabystylyǵy joǵary daqyldardyń úlesin arttyrýǵa baǵyttalǵan. Mundaı qadam qaıta óńdeý kásiporyndaryn shıkizatpen turaqty qamtýǵa jáne baǵa qubylýynyń táýekelderin azaıtýǵa múmkindik beredi.

2026 jylǵa josparlanǵan ózgerister:

Azyqtyq daqyldar – 242 myń gektarǵa ulǵaıady; Arpa – 94 myń gektarǵa kóbeıedi; Júgeri – 90 myń gektarǵa artyp, 265 myń gektarǵa jetkiziledi; Maıly daqyldar – 55 myń gektarǵa ósedi; Kartop – 10,3 myń gektarǵa ulǵaıady; Bıdaı alqaby – 125 myń gektarǵa qysqaryp, 12,1 mln gektardy quraıdy. Qarjylandyrý erte bastaldy

Mınıstrdiń aıtýynsha, kóktemgi dala jumystaryna ótinim qabyldaý ótken jyldyń qazan aıynda bastalǵan. Bul sharýalarǵa naýqanǵa aldyn ala daıyndalýǵa múmkindik berdi.

Qazirgi tańda shamamen 1 900 aýyl sharýashylyǵy taýaryn óndirýshige 200 mlrd teńge kóleminde qarjy berildi. Bul – josparlanǵan somanyń shamamen 30%-y jáne ótken jyldyń osy kezeńimen salystyrǵanda 6%-ǵa artyq.

Jeńildetilgen nesıe kóktemgi egin egý men kúzgi jıyn-terim jumystaryn ýaqytyly ári sapaly atqarýǵa baǵyttalǵan.

Egin jınaý naýqany aıaqtalýǵa jaqyn

Dızel otyny men tehnıka jańartý

Egis naýqanyn úzdiksiz ótkizý úshin 402 myń tonna jeńildetilgen dızel otyny bólindi. Sonymen qatar aýyl sharýashylyǵy tehnıkasy parkin jańartý deńgeıin 8%-ǵa deıin jetkizý josparlanyp otyr. 

Úkimet qabyldap otyrǵan bul sharalar kóktemgi dala jumystarynyń tıimdiligin arttyryp, agrarlyq sektordyń turaqty damýyna negiz qalaıdy.

Memleket basshysy Aqmola oblysyndaǵy egin jınaý naýqanymen tanysty