ShYMKENT. 5 maýsym. Ońtústik Qazaqstan oblysynyń ákimi Beıbit Atamqulovtyń tóraǵalyq etýimen birinshi ret kóshpeli alqa májilisi ótti. Saryaǵash aýdanynda uıymdastyrylǵan oǵan oblys ákimdigi apparatynyń, barlyq aýdandar men qalalar ákimderi, oblystyq basqarmalar basshylary qatysty. Bul týraly oblys ákimdiginiń baspasóz qyzmeti deregine súıengen egemen.kz tilshisi habarlady.
Kún tártibinde bes másele qaraldy. Onyń biri 2015-2019 jyldarǵa arnalǵan «Nurly jol» ınfraqurylymdyq damytýdyń memlekettik baǵdarlamasynyń iske asyrylý barysyn talqylasa, ekinshisi respýblıkalyq jáne oblystyq joldar boıyndaǵy ınfraqurylym damýy týraly boldy. Jıynda sondaı-aq aýyl sharýashylyǵy maqsatyndaǵy jerlerdi túgendeý jáne segmenttelgen jerlerdi qalpyna keltirý boıynsha júrgizilgen jumystar barysy, memlekettik qyzmet kórsetý máseleleri jóninde de áńgime aıtyldy. Kóshpeli jıyn bulardan bólek Saryaǵash aýdanynyń damý jaıyna da barlaý jasady.
Atalǵan taqyryptar aıasynda oblys ákiminiń tıisti salaǵa jaýapty orynbasarlary men tıisti qurylymdar basshylary baıandama jasady. Jıyn barysynda aımaq basshysy «Nurly jol» baǵdarlamasyn oryndaýda qurylys nysandarynyń normasyn buzǵan jáne kesteden keshikken Túrkistan, Qazyǵurt, Saryaǵash aýdandary men Shymkent qalasynyń ákimderiniń jumysyn synǵa aldy.
Oblys ákimi Beıbit Atamqulov keıbir memlekettik qyzmetterdi kórsetý salasyna da kóńil tolmastyq bildirdi. Ol bul rette Túrkistan qalasy ákiminiń jumysyna aıryqsha úńilip, jıynda aıtylǵan syndardan tıisti qorytyndy shyǵarýdy tapsyrdy. Otyrysta aımaq basshysy keıbir aýdandar men basqarmalardyń damý strategııasynyń joqtyǵyna qynjylys tanytty. Enldi berilip otyrǵan tapsyrmalarǵa sáıkes kemshilikter jyldyń birinshi jartysynda joıylýy tıis.
Saryaǵash aýdanyna sapary kezinde aımaq basshysy osy kúni jańadan ashylǵan «Iаssy Nan» JShS men aýdandyq sot ǵımaratynyń, sonymen birge, jergilikti polısııa bólimi men sýdan qutqarý qyzmetiniń ǵımaratyn aralap, jumysymen tanysty. Ol budan ári О́zbekstanmen shebindegi «Jibek joly» shekara beketine arnaıy bardy. Jumys sapary aıasynda oblys basshysy ondaǵy kedendik qyzmet kórsetýdi, baqylaý júıesin jańartýdy jáne ınfraqurylym máselesin retteýdi tapsyrdy.
Aıta ketý kerek, aýdandar men qalalar arasynda tájirıbe almasyp, ondaǵy ákimderge qatysty ózekti máselelerdi qarastyrýdy maqsat tutqan mundaı kóshpeli jıyndar aldaǵy ýaqytta da ótetin bolady.
Baqtııar Taıjan.
Derek, foto: Ońtústik Qazaqstan oblysy ákimdiginiń baspasóz qyzmeti.