Ata zań jobasy saralandy

Depýtattar Nurlan Bekna­zarov pen Aıgúl Qapbarova О́.Joldasbekov atyndaǵy №9 lı­seı ujymymen jáne Shym­kent qalasynyń №2 kóp­sa­laly aýrýhanasynyń qyzmet­kerlerimen kezdesti. Parla­mentshiler jańa Konstıtýsııa jobasy elimizdiń odan ári da­mýyn aıqyndaıtyn strate­gııalyq qujat ekenin atap ótti.

«Jańa Konstıtýsııanyń jobasy qurylymdyq ózgeris­termen shektelmeıdi. Ol mem­le­kettik basqarýdyń jaýapty úlgisin qalyptastyrýǵa, aza­mattardyń quqyǵyn qor­ǵaýdyń naqty tetikterin kú­sheıtýge jáne qoǵam men bı­lik arasyndaǵy senimdi nyǵaıtýǵa baǵyttalǵan», dedi N.Beknazarov.

Al senatorlar Amangeldi Nuǵmanov pen Baýyrjan Qanıev Aqtóbe oblysynyń ákimi Ashat Shaharovpen kezdesti. Onda aldaǵy respýblıkalyq referendýmǵa daıyndyq barysy pysyqtalyp, úılestirý jumysynyń mán-jaıy aıtyldy. Senatorlar jańa Ata zańda usynylǵan ózgerister azamattardyń quqyǵy men bos­tandyǵyn keńeıtýge, mem­le­kettik basqarýdyń tıim­dili­gin arttyrýǵa, áleýmettik ádi­lettilikti nyǵaıtýǵa jáne óńir­lerdiń turaqty damýyna baǵyt­talǵanyn atap ótti.

Qyzylorda oblysyna bar­ǵan depýtattardyń jumys sapary Jalaǵash aýdanynda jalǵas­ty. Nurtóre Júsip pen Rýslan Rústemov Konstıtýsııa jobasyn túsindirýge arnalǵan birqatar kezdesý ótkizdi. Ag­rar­shylar aldynda sóılegen N.Júsip negizgi zańnyń jańa redaksııasy memlekettiń saıa­sı jańǵyrýynyń mańyzdy kezeńi ekenin ári qoǵamnyń naqty suranysyn kórsetetinin atap ótti.

Senat depýtaty Ernur Áıt­kenov Pavlodar oblysyndaǵy saparyn oblystyq koalısııa shtabynyń qyzmetimen tanysýdan bastady. Budan soń depýtat óńir jastarymen kezdesip, konstıtýsııalyq reformanyń negizgi baǵyttaryn jan-jaqty túsindirdi. Sondaı-aq ol mýaı­taıdan respýblıkalyq ja­rys­tyń jeńimpazdarymen júz­desti. Senator sportshy­lar­dy jetistikterimen quttyq­tap, jastardyń belsendi aza­mat­tyq ustanymyn qalyptas­ty­rý­dyń mańyzdy ekenin aıtty.

Depýtattar jalpy respýb­lıkalyq referendýmnyń mańyz­dylyǵyn atap ótip, aza­mat­tardy daýys berýge belsen­di qatysýǵa shaqyrdy.