Almaty qalasyndaǵy ál-Farabı atyndaǵy Qazaq ulttyq ýnıversıtetiniń bazasynda «Aq jol» partııasynyń dástúrli «HHI ǵasyrdaǵy Alashtyń Aq joly» atty jalpyulttyq baıqaýynyń II kezeńi ótti.
Qazaqstannyń «Aq jol» demokratııalyq partııasy Alash murasy men taǵylymyn zerttep, zerdeleý isine úles qosyp keledi. Bul baıqaýdyń basty maqsaty – jas ǵalymdar men zertteýshilerdiń ǵylymǵa degen kózqarastary men súıispenshiligin arttyryp, Alash murasynyń túbegeıli qarastyrylýyna jol ashý. Baıqaýǵa respýblıkanyń jáne QHR, RF Bashqurstan respýblıkalary boıynsha seksennen astam jumys qabyldanyp, sonyń jıyrma besi II kezeńge ótti. II kezeńdegi baıqaý jumystaryna tarıh ǵylymdarynyń doktory, QazUÝ-diń professory Talas Omarbekov, tarıh ǵylymdarynyń kandıdaty, Sh.Ýálıhanov atyndaǵy Tarıh jáne etnologııa ınstıtýtynyń bas ǵylymı qyzmetkeri Qaıdar Aldajumanov, tarıh ǵylymdarynyń doktory, professor, Sh.Ýálıhanov atyndaǵy Tarıh jáne etnologııa ınstıtýty dırektorynyń orynbasary Svetlana Smaǵulova, L.N.Gýmılev atyndaǵy EUÝ-diń «Alash» ǴZI dırektory, álıhantanýshy Sultanhan Aqqululy syndy alashtanýshy ǵalymdar qazylyq etti. Baıqaýdy ǵylymı jobanyń avtory, alashtanýshy Sábıt Baıdaly júrgizdi. Baıqaý jumystary 4 nomınasııa boıynsha qorǵalyp, tyńdaldy. 12 jumys baıqaýdyń fınalyna joldama aldy. Qalǵan 12 jumysqa partııa tóraǵasy, Parlament Májilisiniń tóraǵasy Azat Perýashevtiń «Alǵys haty» jáne 25 myń teńge kóleminde qarjylaı syıaqy berildi.
Osymen bes jyl boıy dástúrli túrde uıymdastyrylyp jatqan baıqaý arqyly kóptegen jas ǵalymdardyń eńbegi elenip, esimderi kópke tanyldy. Mysaly, Erjan Shaǵımoldın, Alma Saılaýqyzy, Erkin Rahmatýllın, Almas Júnisbaev, Kúnsulý Qurmanova, Marhabbat Qozybaeva, Eldos Toqtarbaı sııaqty jas ǵalymdardyń shoǵyry osy baıqaý nátıjesi arqasynda qalyptasty. Osy atalǵan baıqaý jańa esimderdiń atyn shyǵaryp, olardyń ǵylymı ortaǵa tanylýyna jol ashty.
«Egemen-aqparat»