Qazaqstanda Memlekettik áleýmettik saqtandyrý qorynan jumyssyzdyq boıynsha tólemder berý merzimi qysqartylmaq. Bul týraly Úkimettegi brıfıng barysynda Eńbek jáne halyqty áleýmettik qorǵaý mınıstri Asqarbek Ertaev málimdedi, dep habarlaıdy,Egemen.kz
Mınıstrdiń aıtýynsha, qazirgi ýaqytta qor turaqty jumys istep tur jáne qarajat jetkilikti kólemde túsip jatyr. Degenmen tólem júıesinde keıbir shemalyq paıdalaný jaǵdaılary anyqtalǵan.
«Mysaly, bir adam birneshe uıymda jumys istep, bir ýaqytta jumystan shyǵyp, keıin jumyssyz retinde ótinish beredi. Sol kezde oǵan ortasha jalaqy negizinde tólem taǵaıyndalady. Mundaı jaǵdaılar retteýdi qajet etedi», dedi mınıstr.
Jumyssyzdyq boıynsha tólem qalaı taǵaıyndalady?
Onyń aıtýynsha, pandemııaǵa deıin jumyssyzdyq boıynsha tólem 4 aıǵa deıin berilgen, al pandemııa kezinde bul merzim 6 aıǵa uzartylǵan. Endi burynǵy tártipke qaıtarý josparlanyp otyr.
«Jumyssyz mártebesi qazirgi tańda úsh kún ishinde beriledi, bul durys emes. Sondyqtan ony 10 kúnge ózgertip, tólem merzimin 4 aıǵa deıin qysqartamyz. Bul artyq jáne negizsiz tólemderdiń aldyn alý úshin qajet», dedi A.Ertaev.
Eń tómengi jalaqy 150 myń teńgege deıin óse me? Mınıstr jaýap berdi
Aıta keteıik, mınıstrliktiń tıisti ózgerister jobasy qazir talqylanyp jatyr.