Áleýmettik jeliler men messendjerlerde elordadaǵy «Haıvıll» turǵyn úı kesheninde eki shetel azamaty qarý-jaraq arsenalymen ustaldy degen aqparat tarady. Alaıda Astana qalalyq Polısııa departamenti bul málimettiń shyndyqqa janaspaıtynyn málimdedi, dep jazady Egemen.kz.
Buǵan deıin Májilis depýtaty Murat Ábenov óziniń áleýmettik jelidegi paraqshasynda Nazarbaev Ýnıversıteti mańyndaǵy turǵyn úı kesheninde túnde júrgizilgen operasııa barysynda sheteldikterden myltyqtar men tapanshalar tabylǵanyn jazǵan bolatyn.
Polısııa departamentiniń málimetinshe, turǵyn úıge belgisiz jáshikterdiń kirgizilýine baılanysty turǵyndardan habarlama túsken. Oqıǵa ornyna jedel jetken tártip saqshylary tekserý jumystaryn júrgizdi.
Tekserý nátıjesinde jáshikterdiń ishinen tabylǵan zattardyń jaýyngerlik qarý emes ekeni anyqtaldy.
«Tekserý barysynda jáshiktiń ishinde tarıhı jáne mádenı qundylyǵy bar antıkvarlyq qarý-jaraq zattary bolǵany anyqtaldy. Sarapshylardyń qorytyndysyna sáıkes, olar zamanaýı jaýyngerlik qarý sanatyna jatpaıdy. Turǵyndarǵa eshqandaı qaýip tóngen joq. Sonymen qatar atalǵan fakti boıynsha qoldanystaǵy zańnama aıasynda tekserý jumystary júrgizilip jatyr», dep habarlady qalalyq polısııa departamenti.
Polısııa nusqaýyn oryndaǵan júrgizýshige 21 myń teńge aıyppul salyndy
Tártip saqshylary azamattardy tek resmı aqparat kózderine senýge jáne jalǵan málimet taratpaýǵa shaqyrady.