Astanada jol qozǵalysy qaýipsizdigin arttyrý baǵytynda jasandy ıntellektke negizdelgen jańa beınebaqylaý júıeleri kezeń-kezeńimen engizilip jatyr. Elordada qolǵa alynǵan bul bastama júrgizýshilerdiń tártibin kúsheıtip jáne jol-kólik oqıǵalaryn azaıtýǵa yqpal etip, qala turǵyndary úshin qaýipsiz ári qolaıly orta qalyptastyrýdy kózdeıdi, dep jazady Egemen.kz.
Memleket basshysynyń sıfrlandyrý jáne qoǵamdyq qaýipsizdikti qamtamasyz etý jónindegi tapsyrmasyn iske asyrý aıasynda Astana Smart City jobasy sheńberinde AI-beıneanalıtıkanyń keńeıtilgen fýnksıonaly engizilip jatyr. Jańartylǵan júıe jol qozǵalysy qaǵıdalaryn buzýdyń jańa túrlerin tirkeýge múmkindik beredi.
Atap aıtqanda, jańa algorıtmder júrgizýshiniń kólik tizgininde otyryp telefon qoldanýyn, qaýipsizdik beldigin taqpaýyn jáne jol qaýipsizdigine áser etetin ózge de áreketterin avtomatty túrde anyqtaıdy. Qazirgi ýaqytta júıe testilik rejımde jumys istep tur. Sheshimder kompıýterlik kórý jáne mashınalyq oqytý tehnologııalaryna negizdelgen, bul derekterdi óńdeýdiń dáldigi men jedeldigin arttyrady.
Smart Grid men JI-ınjenerleri: Elimizde jańa mamandyqtar paıda bolady
Jańa AI-kameralar tek jekelegen quqyqbuzýshylyqtardy tirkeýmen shektelmeıdi. Olar qalalyq jáne memlekettik aqparattyq júıelermen biriktirilgen biryńǵaı sıfrlyq platformanyń quramyna kiredi. Sonyń nátıjesinde joldaǵy ahýaldy keshendi baǵalaý, kólik aǵyndaryn tıimdi basqarý múmkindigi keńeıedi.
Joba barysynda Qazaqstan Respýblıkasynyń aqparattyq qaýipsizdik talaptaryn saqtaý basty nazarǵa alynǵan. Júıe barlyq qajetti sertıfıkattaý rásimderinen ótip, kezeń-kezeńimen engizilip keledi.
Atyraýda JI arqyly 4500-den asa quqyqbuzýshylyq anyqtalǵan