Búginde medısınanyń qaryshtap damyǵany sondaı, tańǵalatyn jaıttar az kezdespeıdi.
Bir kezderi adam aǵzalaryn almastyrý múmkin emesteı kórinse, qazir úırenshikti jaǵdaıǵa aınaldy. Sol sııaqty, osydan birneshe aı buryn Qytaıda aq halattylar maımyldyń basyn aýystyryp, eksperıment jasap kórgen. Málimetterge sáıkes, bári sátimen aıaqtalǵan bolatyn.
Jaqynda Germanııadaǵy Shtýtgart ýnıversıtetiniń birqatar mamandary kólemi ıneniń kózindeı ǵana bolatyn kamera shyǵardy. Medısına salasyndaǵy kúrdeli jumystardyń biri – adamnyń ishki beınesin kórý. Endi bul problema da sheshilgen syńaıly. Zertteýshiler jańadan oılap tapqan qurylǵyny shprıstiń ushyna ornalastyrýǵa bolatynyn aıtty. Aldaǵy ýaqytta ony smartfondarǵa, bıikten túsirý úshin qurastyrylǵan drondarǵa ornatylady degen málimetter bar.
Zertteýshiler kamerany 3D baspa tehnologııasynyń kómegimen jasap shyǵardy. Sonymen qatar, mundaı ádispen 10 mıkrometrge deıingi dáldikpen optıkalyq lınza júıesin ázirlep shyǵarýǵa bolady eken.
Aıan ÁBDÝÁLI,
«Egemen Qazaqstan»