[caption id="attachment_51240" align="aligncenter" width="560"] Foto: Ánýar ABDRAHMANOV[/caption]
Búgin fýtboldan ÝEFA Eýropa chempıondar lıgasynyń ekinshi kezeńinde «Astana» klýby Lıtvanyń «Jalgırıs» komandasymen kezdesedi. Osy matchtyń aldynda komandanyń bas jattyqtyrýshysy Stanomır Stoılov Vılnıýstiń klýby týraly oılarymen bólisti. Bul týraly egemen.kz saıtynyń redaksııasyna «Astana» komandasynyń baspasóz qyzmeti habarlady.
— «Astana» komandasyna «Jalgırıspen» oınaý ońaı bolmaıdy. Bul matchta qaı komandanyń favorıt bolatynyn aıta almaımyn. Jaqsy oınaǵan komanda ǵana jeńiske jetedi.
— Qarsylas komandanyń jaqsy jaqtaryn aıtyp beresiz be?
— Biz lıtvalyq komandanyń birneshe oıyndaryn kórdik. Meniń oıymsha, «Jalgırıs» jaqsy uıymdasqan komanda. Olar bizge qıyndyq týdyrýy múmkin. Biz jaqsy oıyn kórsetsek, jeńiske jetemiz.
— «Astana» komandas Eýropa kýboktarynda jıi oınap jatyr. Osynyń «Jalgırısti» jeńýge áseri bola ma?
— Siz durys aıtasyz. Biraq, biz Eýropa kýboktarynda ótken jyly oınadyq. Komandaǵa jyl saıyn óziniń myqtylyǵyn dáleldep otyrý kerek. Árıne, bizdiń tájirbıemiz kóp. Alaıda, qarsylas komandany qalpaqpen uryp alamyn dep oılamaý kerek. «Astana» «Jalgırısti» jeńedi, odan jaqsy oınaıdy degen qate pikir. Oıyn bárin kórsetedi.
Dastan KENJALIN