[caption id="attachment_54425" align="aligncenter" width="560"] Foto: xn-80aarn4g9ve[/caption]
Lısakov qalasynyń turǵyny Tobyl ózeniniń jaǵasynda júgirip kele jatyp, ósip turǵan qarasoranyń bir talyn julyp alǵan. Sosyn ol shóptiń japyraqtaryn shegip kóredi de, qalǵanyn keıinge saqtap qoıady.
Birneshe kúnnen keıin jigit áleýmettik jeli arqyly bir qyzben tanysyp, onymen Reseıdiń Orel qalasyna barmaqshy bolady. Ol jolǵa álgi saqtap qoıǵan qarasora shóbiniń qalǵan japyraqtaryn ala shyǵýdy oılaıdy. Biraq joldaǵy «Qaıraq» shekara beketiniń qyraǵy shekarashylary bir tal bolsa da esirtki zattaryn tap bastyrmaı taýyp alatynyn ol oılaǵan joq. Osynyń saldarynan ony shekarashylar esirtki zatyn shekara asyrmaqshy bolǵan degen kúdikpen ustady.
Qarabalyq aýdandyq soty atalǵan isti qarap, ony Qylmystyq kodeksi boıynsha kináli dep taýyp, 500 aılyq eseptik kórsetkish kóleminde aıyppul saldy. Ol 1 060 500 teńgeni quraıdy. Aıyppul sottyń sheshimi boıynsha bir aı shamasynda tólenýi tıis.
Názıra JÁRIMBETOVA