áıeldi aýrýhanaǵa tótenshe jaǵdaı qutqarýshylary jetkizdi
Qostanaılyq Galına Vorobeva artyq salmaqtan osynshalyqty azap shegemin dep oılamaǵan edi. Onyń salmaǵy qazir 350 kılogramnan asady. Asa aýyr salmaqtyń saldarynan ol ornynan qozǵala almaı qalǵan bolatyn. Semizdik Galınada bala kezinen baıqalǵan. Biraq ata-anasy onyń aǵzadaǵy zat almasýdyń buzylýynan bolatynyna asa mán bermese kerek. Ol osydan bes jyl buryn súrinip qulap, aıaǵyn aýyrtyp alady da, júre almaı otyryp qalady. Qımylsyz otyrǵannan maı basý úderisi des bermeı ketedi, ol tipti ornynan qozǵala almaı, álsireı bastaǵan.
Aýrý áıeldi qalalyq aýrýhanaǵa jetkizý de ońaı bolmaıdy. Tótenshe jaǵdaılar komıtetiniń Soltústik óńirlik aeroutqyr jedel-qutqarý jasaǵynyń qutqarýshylary ony brezent mataǵa jatqyzyp, 8 jigit arnaıy mashınaǵa zorǵa kóterip salady.
Qazir Galına Vorobeva dárigerlerdiń qatań baqylaýynda.
Aıtpaqshy, Galınany astanalyq dárigerler Qostanaıǵa kelip emdeıdi, ony Astanaǵa jetkizýge tótenshe jaǵdaılar qutqarýshylary da oılanady...
Názıra JÁRIMBETOVA
«Egemen Qazaqstan»
QOSTANAI