Basty másele – baspana

Bıyl Shymkent qalasynda «Nurly Jol» baǵdarlamasy aıasynda 96 páter tapsyrylady «Báıterek» holdınginiń enshi­les uıymy «Qazaqstan Ipotekalyq Kompanııasy» IU» AQ – «Nurly Jol» aıasynda jalǵa beriletin tur­ǵyn úı baǵdarlamasyn iske asyratyn operatorlardyń biri. Qazir kompanııa «Nurly Jol» baǵ­darlamasy boıynsha Shymkent qalasynda 96 páterden turatyn úıdiń qurylysyna qatysyp jatyr.  Onyń jalpy alańy – 5,4 myń sharshy metr. Páterlerdi jel­toq­sanda tapsyrý josparlanyp otyr. Olardyń barlyǵy taza árlen­gen jáne gaz plıtasymen jabdyq­talady. «Qazaqstan Ipotekalyq Kom­pa­nııasy» IU» AQ Basqarma tóra­ǵasynyń orynbasary Bolat Dosmuhametovtiń aıtýynsha, ıpo­te­kalyq kompanııa jelisi boıynsha jalǵa beriletin turǵyn úı baǵdarlamasyna qatysýshylardy tańdaý men turǵyn úılerdi bólýmen tikeleı aınalysatyn jergilikti atqarýshy organdarda kezekte turǵandar qatysa alady. Bul úıler kóp balaly otbasylar, tolyq emes otbasylar, múgedek balalary bar jáne olardy  tárbıelep otyrǵan otbasylarǵa beriledi. So­nymen birge, jetim balalar, ata-anasynyń qamqorlyǵynsyz qal­ǵan jetim balalar, oralmandar, memlekettik qyzmetkerler,  áske­rı qyzmetkerler, arnaıy mem­lekettik organdardyń qyz­met­kerleri, bıýdjettik uıymdardyń qyz­met­kerleri de baspanamen qamtamasyz etiledi. Dastan KENJALIN, «Egemen Qazaqstan»