Áriptestik keńeıip keledi

Astanada Qazaqstan Respýblıkasynyń Syrtqy ister mınıstri Erlan Ydyrysov AQSh Memlekettik hatshysynyń orynbasary Sara Sıýellmen kezdesti. Qurama Shtattar ókili Qazaqstanǵa jumys saparymen kelgen bolatyn. Áńgime barysynda taraptar Qazaqstan-Amerıka áriptestigin terrorızmmen kúres, onyń ishinde ekstremızmdi nasıhattaýǵa qar­sy is-áreket salasynda da tereń­detý kerek degen pikir bildir­di. E.Ydyrysov, bul arada, Qazaq­s­tan Prezıdenti Nursultan Nazarbaev­tyń 2015 jyldyń qyr­kúıeginde  Nıý-Iorkte ótken BUU Bas As­sam­b­leıasynyń 70-shi sessııasy aıasynda jarııalanǵan bastamalaryn júzege asyrý asa mańyzdy ról at­qara alaty­nyn atap kórsetti. Qazaq­stan basshysy AQSh astana­syn­da sóıle­gen sózinde BUU týy as­tynda terrorızmmen kúres jónin­degi halyqaralyq koalısııa qurý, álemdegi árbir memleket ózi­niń áske­rı bıýdjetiniń 1 paıyzyn Ornyqty damý maqsattaryna bó­lý, BUU-nyń Jahandyq kon­tr­ter­rorıstik strategııasyn oryn­daýdy zań tur­ǵysynan min­det­­teý boıynsha bas­tama kóter­­ge­nin eske sala keteıik. Suhbattastar «S5+1» (Ortalyq Azııa elderi men AQSh) únqaty­sý alańyna qatysýshy elder Syrtqy ister mınıstrleri ekinshi májilisiniń qorytyndysyna rıza­shylyq bildirdi. Bul basqosý ústimizdegi jyldyń 3 tamyzyn­da Vashıngtonda ótip, onyń qory­tyndysy boıynsha Ortalyq Azııa óńirin damytýǵa baǵyttalǵan bir­qatar joba maquldanǵan edi. Kezdesý sońynda E.Ydyrysov pen S.Sıýell ústimizdegi jyly 25 jyldyǵy atap ótiletin Qazaq­stan men AQSh arasyndaǵy stra­tegııalyq áriptestikti belsendi jal­ǵastyrýǵa ýaǵdalasty. «Egemen-aqparat»