Qaraǵandyda avtokólikten 34 jastaǵy áıeldiń máıiti tabyldy. Onyń denesinen pyshaq jaraqattary anyqtalǵan. Oqıǵa Qaraǵandy qalasynyń Tólepov kóshesinde bolǵan, dep habarlaıdy Egemen.kz.
Marqumnyń tanystarynyń aıtýynsha, áıel rıeltorlyq qyzmetpen aınalysqan jáne óz isinde tabysty, materıaldyq jaǵdaıy jaqsy bolǵan. Onyń artynda eki balasy qalǵany habarlandy.
Qaraǵandy oblysynyń polısııa departamenti bul derek boıynsha «kisi óltirý» babymen qylmystyq is qozǵalǵanyn málimdedi. Jedel-izdestirý sharalary barysynda 35 jastaǵy kúdikti anyqtalyp, ustalǵan. Ol ýaqytsha ustaý ızolıatoryna qamalǵan.
Aqsý qalasynda zaýyt mańynan áıeldiń máıiti tabyldy
Qazirgi ýaqytta qylmystyń naqty sebebi anyqtalyp jatyr. Tergeý múddesine baılanysty ózge málimetter jarııa etilmeıdi.