Almaty qalasynyń polısııa departamenti mektepterdiń birinde bolýy múmkin qaıǵyly jaǵdaıdyń aldyn aldy. Vedomstvo málimetinshe, áleýmettik jeliler arqyly belgisiz adamdardyń yqpalynda bolǵan oqýshy mektepke balta alyp kelýi múmkin degen kúdikpen tekserilgen, dep habarlaıdy Egemen.kz.
Polısııanyń aıtýynsha, jasóspirim ınternet arqyly berilgen nusqaýlardy oryndaýǵa tyrysqan. Alaıda quqyq qorǵaý organdary der kezinde áreket etip, josparlanǵan zańsyz árekettiń aldyn alǵan.
Qulsaryda mektepke baltamen kelgen 10-synyp oqýshysy qamaýǵa alyndy
Qazirgi tańda oqıǵanyń barlyq mán-jaıy anyqtalyp jatyr. Sonymen qatar, kámeletke tolmaǵan qyzdy qandaı da bir adamdardyń áleýmettik jeli arqyly teris áreketke ıtermeleýi múmkin degen baǵytta da tekserý júrgizilip jatyr.
Oqýshy synyptasyna balta ala júgirgen: Qulsarydaǵy mekteptiń dırektory qyzmetinen bosatyldy
Sondaı-aq, oqýshynyń zańdy ókilderine qatysty bala tárbıesindegi mindetterin tıisinshe oryndamaý deregi boıynsha sotqa deıingi tergeý bastalǵan.