Elbasynyń jumys kestesi

Prezıdenttiń baspasóz qyzmeti Memleket basshysy Nursultan Nazarbaevtyń qatysýymen ótetin aldaǵy is-sharalar ańdatpasy týraly habarlady. Qazaqstan Prezıdenti 22 tamyz-5 qyrkúıek aralyǵynda bir­neshe memleketke saparmen barady. Atap aıtqanda, 22-23 tamyzda Nursultan Nazarbaev Prezıdent Andjeı Dýdanyń shaqyrýymen Polsha Respýblıkasyna memle­kettik saparmen barady. Eki eldiń kóshbasshylary saýda-ekonomıka, ınvestısııa, aýyl sharýa­shylyǵy, sondaı-aq tranzıt-kólik jáne mádenı-gýmanıtarlyq sala­lardaǵy yntymaqtastyqty nyǵaıtý joldaryn talqylaýdy josparlap otyr. Budan bólek, Memleket basshysynyń Qazaq­stan-Polsha bıznes-forýmyna qatysýy kózdelgen. 23-24 tamyzda Qazaqstan Prezıdenti resmı saparmen Serbııa Respýblıkasyna baryp, onda Prezıdent Tomıslav Nıkolıchpen kezdesedi. Kelissózder aıasynda memleketter basshylary Qazaqstan men Serbııanyń ekijaqty qarym-qatynasynyń ózekti máselelerin talqylaıtyn bolady. Nursultan Nazarbaev 1-5 qyrkúıek aralyǵynda QHR-dyń Tóraǵasy Sı Szınpınniń shaqyrýymen G-20 Sammıtine qatysý úshin Qytaı Halyq Respýb­lıka­syna saparmen barady. Sapar barysynda Memleket basshysy QHR Tóraǵasy Sı Szınpınmen kezdesip, onda Astana men Beıjiń yntymaqtastyǵynyń basym baǵyt­­tary talqylanady dep jos­par­­lanýda. Budan bólek, Sammıt aıasynda delegasııalar basshylarymen birqatar kelissózder ótpek.