Qazaqstan Prezıdenti Nursultan Nazarbaev Rıo-de-Janeırodaǵy Olımpııa oıyndaryndaǵy jeńisine baılanysty Danııar Eleýsinovke quttyqtaý jedelhatyn joldady, dep habarlady Prezıdenttiń baspasóz qyzmeti.
Nursultan Nazarbaev D.Eleýsinovti bokstan jeńip alǵan altyn medalimen quttyqtady.
«Jyldar boıy tynymsyz tógilgen ter men zor qajyr-qaırattyń jáne úlken sheberliktiń nátıjesinde dúnıejúzilik sport dodasynda qol jetkizilgen bul jeńis barsha qazaqstandyqtarǵa sheksiz shattyq syılady. Bul jeńis osy básekeni tamashalaǵan myńdaǵan jasóspirimniń sportpen aınalysa bastaýyna, olardyń shynyqqan shymyr bolyp ósýine jáne maqsatty ómir súrýine jańa serpin beretini sózsiz», – delingen jedelhatta.
Memleket basshysy sportshyǵa zor densaýlyq pen baqyt, jańa jeńister men jetistikter tiledi.