Astanada ótetin EKSPO-2017 halyqaralyq kórmesine óńirden 220 eriktiniń qatysatyny belgili boldy. Bul týraly Ortalyq kommýnıkasııalar qyzmetiniń jergilikti fılıalynda ótken brıfıngte «Jas Otan» jastar qanaty oblystyq qurylymynyń jetekshisi Musa Tanaqulov málim etti.
Onyń aıtýynsha, jańadan qurylǵan «Eriktiler mektebi» qanatqaqty jobasy aıasynda atqarylatyn jumystar qyrýar. Búgingi kúni eriktiler úsh kezeńnen turatyn modýldik oqý júıesine tartylyp, 120 jas alǵashqy irikteýden súrinbeı ótken. Tegin trenıngterde úmitkerler aǵylshyn tilin úırenip, Qazaqstan tarıhynan, ulttyq-mádenı qundylyqtar jaıly keń maǵlumattar alady. Sonymen qatar, psıhologııalyq ázirlikterge de basymdyq beriledi. Dárister oqýǵa tájirıbeli mamandar tańdap alynǵan.
Irikteý sharalaryna kez kelgen soltústikqazaqstandyq qatysa alady. Olarǵa til bilimin anyqtaıtyn suhbattasý, kúızeliske tózimdilik sekildi joǵary biliktilik talaptary qoıylady. Synnan súrinbeı ótkender qataryn 18 jáne 60 jas aralyǵyndaǵy azamattar quraıdy. Olardyń arasynda jastarǵa mol múmkindik berilip otyr, deıdi EKSPO-2017 eriktileriniń úılestirýshisi Darına Báshenova.
О́mir ESQALI,
«Egemen Qazaqstan»
Soltústik Qazaqstan oblysy