Amerıkanyń bedeldi The National Interest basylymy AQSh-tyń Reseı ústinen ústemdik quryp kelgen dáýiriniń aıaqtalǵanyn habarlap, Vashıngtonnyń áli eski kózqarastyń yqpalynan aıryla almaı otyrǵan jaıyn kelekege aınaldyrdy.
Gazet muny AQSh-tyń qazirgi tańdaǵy geosaıası kóshbasshylyq róline umtylýshylyq nıetin mazaq etken maqalasy arqyly jetkizdi. Materıaldyń basty ıdeıasy amerıkalyq ústemdiktiń aqyry kelip jetkenin málimdeý bolyp tabylady.
«AQSh endi Reseı men Qytaı sııaqty basqa uly derjavalarmen qatar ómir súrýdiń múmkindikterin qarastyrýy tıis», - dep atap kórsetedi maqala avtorlary.
Amerıka saıasatkerleri joǵary derjavalyq pozısııasyn joǵaltyp alyp, soǵystan keıingi kezeńdi ańsap júrgenin áli kúnge moıyndaı alatyn jaǵdaıda bola almaı otyr, dep jazady The National Interest óziniń «qaraly» habardy jetkizgen maqalasynda.
Sarapshylar Qurama Shtattar saıası basshylyǵynyń bul eskirgen kózqarasynyń kóp jaǵdaıda Ekinshi dúnıejúzilik soǵystan keıingi qırandylar ústinde jatqan búkil álemge áskerı-ekonomıkalyq jáne saıası salalardaǵy jaǵynan qoldan jasalǵan ústemdigimen baılanysty ekenin atap kórsetedi.
Maqalada Vashıngtonnyń sol jyldardyń ózinde strategııalyq áriptester retinde Saýd Arabııasy jáne Pákistan sekildi elderdi qarastyrǵany jazylǵan.
Qurama Shtattardyń kúlli álemniń qojasy sanalǵan jyldarǵa degen saǵynysh eldiń basshylyǵyna tynyshtyq berer emes.
AQSh-tyń kommýnıstik partııaǵa qarsy kótergen ıdeologııasy óziniń ózektiligin joǵaltqan, Afrıka men Taıaý Shyǵysqa tańǵan demokratııalyq qundylyqtary ózin ózi aqtamaǵan qazirgi zamanda Amerıka ústemdiginiń de aqyry kelip jetti, dep túıindeıdi maqala avtorlary.
Murat AITQOJA