Memleket basshysy Polsha Respýblıkasynyń premer-mınıstri Beata Shıdlomen kezdesti.
Akorda.kz-tiń málimetinshe, kezdesý barysynda ekijaqty yntymaqtastyqtyń saýda-ekonomıkalyq, saıası jáne mádenı-gýmanıtarlyq salalardaǵy ózara is-qımyldy qamtıtyn negizgi baǵyttary talqylandy.
Nursultan Nazarbaev jahandyq kún tártibindegi máseleler jóninde eki el ustanymynyń ortaqtyǵy Qazaqstan-Polsha dıalogyn júıeli túrde órbitý úshin qolaıly negiz bolatynyn atap ótti.
B.Shıdlo Astanamen ózara tıimdi yntymaqtastyqty damytý Polshanyń Ortalyq Azııadaǵy syrtqy saıası baǵdarynyń basymdyǵy bar baǵyty ekenin aıtty.
Aıdar О́RISBAEV